సాత్విక్‌-చిరాగ్‌ @ 1

ఇటీవల ముగిసిన ఆసియా క్రీడల్లో పసడి పతకంతో మెరిసిన భారత స్టార్‌ డబుల్స్‌ జోడీ సాత్విక్‌ సాయిరాజ్‌-చిరాగ్‌ శెట్టి చరిత్ర సృష్టించింది. పురుషుల డబుల్స్‌లో ప్రపంచ నంబర్‌వన్‌ ర్యాంక్‌ కైవసం చేసుకుంది. బీడబ్ల్యూఎఫ్‌ మంగళవారం ప్రకటించిన ర్యాంకింగ్స్‌లో ఈ జంట అగ్రస్థానం చేజిక్కించుకుంది.

న్యూఢిల్లీ: ఇటీవల ముగిసిన ఆసియా క్రీడల్లో పసడి పతకంతో మెరిసిన భారత స్టార్‌ డబుల్స్‌ జోడీ సాత్విక్‌ సాయిరాజ్‌-చిరాగ్‌ శెట్టి చరిత్ర సృష్టించింది. పురుషుల డబుల్స్‌లో ప్రపంచ నంబర్‌వన్‌ ర్యాంక్‌ కైవసం చేసుకుంది. బీడబ్ల్యూఎఫ్‌ మంగళవారం ప్రకటించిన ర్యాంకింగ్స్‌లో ఈ జంట అగ్రస్థానం చేజిక్కించుకుంది. మన దేశం నుంచి గతంలో ప్రకాశ్‌ పదుకోన్‌, సైనా నెహ్వాల్‌, కిడాంబి శ్రీకాంత్‌ టాప్‌ ర్యాంక్‌లో నిలువగా..

ఇప్పుడు వారి సరసన సాత్విక్‌-చిరాగ్‌ చేరారు. బర్మింగ్‌హామ్‌ కామన్వెల్త్‌లో స్వర్ణం గెలువడంతో పాటు.. మన దేశం తరఫున తొలి సూపర్‌-1000 టైటిల్‌ నెగ్గిన సాత్విక్‌-చిరాక్‌ ద్వయం కొత్త అధ్యాయం లిఖించింది. పురుషుల సింగిల్స్‌లో హెచ్‌ఎస్‌ ప్రణయ్‌ 8వ ర్యాంక్‌ సొంతం చేసుకోగా.. మహిళల సింగిల్స్‌లో రెండు స్థానాలు మెరుగు పరుచుకున్న పీవీ సింధు 13వ ర్యాంక్‌లో నిలిచింది.

4

బీడబ్ల్యూఎఫ్‌ వరల్డ్‌ ర్యాంకింగ్స్‌లో నంబర్‌వన్‌ స్థానానికి చేరిన నాలుగో భారతీయులుగా సాత్విక్‌-చిరాగ్‌ రికార్డుల్లోకెక్కారు.
గతంలో ప్రకాశ్‌ పదుకోన్‌, సైనా నెహ్వాల్‌, కిడాంబి శ్రీకాంత్‌ ఈ ఘనత సాధించారు.