భారత్‌ ఖాతాలో మరో రజతం, కాంస్యం

జర్మనీ వేదికగా జరుగుతున్న ఐఎస్‌ఎస్‌ఎఫ్‌ జూనియర్‌ వరల్డ్‌ కప్‌లో భారత యువ షూటర్లు అదరగొడుతున్నారు. ఆదివారం జరిగిన పది మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో భారత్‌ రజతం, కాంస్యం దక్కించుకుంది. మిక్స్‌డ్‌ టీమ్‌ ఈవెంట్‌లో నరేన్‌ ప్రణవ్‌-ఖాయతి చౌదరి ద్వయం.. 631 పాయింట్లు స్కోరు చేసి తృటిలో పసిడి పతకాన్ని కోల్పోయినా రజతంతో సరిపెట్టుకుంది.

• ఐఎస్‌ఎస్‌ఎఫ్‌ జూనియర్‌ వరల్డ్‌ కప్‌

ఢిల్లీ: జర్మనీ వేదికగా జరుగుతున్న ఐఎస్‌ఎస్‌ఎఫ్‌ జూనియర్‌ వరల్డ్‌ కప్‌లో భారత యువ షూటర్లు అదరగొడుతున్నారు. ఆదివారం జరిగిన పది మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో భారత్‌ రజతం, కాంస్యం దక్కించుకుంది. మిక్స్‌డ్‌ టీమ్‌ ఈవెంట్‌లో నరేన్‌ ప్రణవ్‌-ఖాయతి చౌదరి ద్వయం.. 631 పాయింట్లు స్కోరు చేసి తృటిలో పసిడి పతకాన్ని కోల్పోయినా రజతంతో సరిపెట్టుకుంది.

చైనా జోడీ యుటింగ్‌-లివాన్లిన్‌.. 632.6 స్కోరుతో స్వర్ణం గెలుచుకుంది. 14వ షాట్‌ వరకూ భారత్‌,చైనా సమాన పాయింట్లతో సాగినా 15వ షాట్‌కు చైనా షూటర్లు.. 0.5 పాయింట్లు ఎక్కువ స్కోరు చేసి పసిడి కైవసం చేసుకున్నారు. ఇక కాంస్య పోరులో హిమాన్షు-శాంభవి జంట.. 629.5 పాయింట్లు స్కోరుతో అమెరికన్‌ జోడీ గ్రిఫిన్‌-స్పెన్సర్‌ను ఓడించి కాంస్యం దక్కించుకుంది.