Indian Hockey : ప్యారిస్ ఒలింపిక్స్(Paris Olympics) మందు హాకీ ఇండియా కీలక నిర్ణయం తీసుకుంది. డచ్ కోచ్ హెర్మన్ క్రూయిజ్(Herman Kruis)ను హై ఫర్మార్మెర్స్ డైరెక్టర్గా నియమించింది. కోచ్గా రెండు దశాబ్ధాలకు పైగా అనుభవం ఉన్న హెర్మన్ను హై ఫర్మార్మర్స్ డైరెక్టర్గా నియమిస్తున్నట్టు మంగళవారం ప్రకటించింది.
ఈ సందర్భంగా కొత్తగా బాధ్యతలు చేపట్టనున్న హెర్మన్ను హాకీ ఇండియా అధ్యక్షుడు దిలీప్ టర్కీ(Dilip Tirkey) అభినందించాడు. ఏడాది సెప్టెంబర్ వరకు హెర్మన్ ఈ పదవిలో కొనసాగనున్నాడు. ఈ సమయంలో అతడు జాతీయ స్థాయిలో సీనియర్, జూనియర్ జట్లకు తన సేవలందించనున్నాడు. గతంలో జూనియర్ వరల్డ్ కప్లో భారత మహిళల, పురుషుల జట్లకు మెలకువలు నేర్పించిన అనుభవం అతడికి ఉంది.
We extend a warm welcome to Mr. Herman Kruis as the new ‘High Performance Director’ of Hockey India.
With over two decades of experience, Herman would be overseeing the National Junior and Senior programs of Hockey India, including the Coaches Education Pathway.
For more… pic.twitter.com/9HJpplv9c8
— Hockey India (@TheHockeyIndia) January 9, 2024
సర్టిఫైడ్ కోచ్, ఎడ్యుకేటర్ అయిన హెర్మన్ ప్రత్యర్థి జట్లకి తగ్గట్టు వ్యూహాలు పన్నడం, డిఫెన్స్ను బలోపేతం చేయడం, కీలక సమయాల్లో ఒత్తిడికి లోనవ్వకుండా ఉండడం వంటి అంశాలపై ఆటగాళ్లకు తర్ఫీదు ఇవ్వడంలో దిట్ట. కోచ్గా సుదీర్ఘ అనుభవమున్న హెర్మన్ ఎన్నో విజయాలు చవిచూశాడు.
హెర్మన్ క్రూయిజ్
అతడి ఆధ్వర్యంలో డచ్ క్లబ్ డెన్ బాస్చ్ ఏకంగా ఎనిమిదిసార్లు యూరోపియన్ కప్ చాంపియన్గా నిలిచింది. ఆ తర్వాత నెదర్లాండ్స్ మహిళల జట్టుకు 2006 నుంచి 2008లో కోచ్గా సేవలందించాడు. బెలారస్ ఇండోర్, ఔట్డూర్ జట్లకు 2016 నుంచి 2023 ఆగష్టు వరకూ కోచ్గా పని చేశాడు.