IND vs ENG 4th Test : రాంచీ టెస్టులో పట్టుబిగించిన టీమిండియా(Team India) గెలుపు వాకిట ఒక్కసారిగా తడబడింది. ఇంగ్లండ్ యువ స్పిన్నర్లు టామ్ హర్ట్లే, షోయబ్ బషీర్ విజృంభణతో 16 పరుగుల వ్యవధిలోనే మూడు వికెట్లు కోల్పోయింది. 100 రన్స్కే మూడు వికెట్లు పడిన దశలో.. శుభ్మన్ గిల్(18), రవీంద్ర జడేజా(5)లు ఆచితూచి ఆడుతున్నారు. లంచ్ సమయానికి భారత్ స్కోర్ 118/3.
వీళ్లిద్దరూ నాలుగో వికెట్కు 64 బంతుల్లో 18 రన్స్ జోడించారు. భారత్ విజయానికి ఇంకా 74 పరుగులు కావాలి. ఎలాగైనా సరే సిరీస్ సమం చేయాలనే పట్టుదలతో ఉన్న ఇంగ్లండ్కు మరో 7 వికెట్లు అవసరం. అయితే.. లంచ్ తర్వాత భారత ఆటగాళ్లు దూకుడుగా ఆడుతారా? ఇంగ్లండ్ స్పిన్ ద్వయానికి దాసోహమవుతారా? అనేది చూడాలి.
It’s Lunch on Day 4 of the Ranchi Test!#TeamIndia added 78 runs to their overnight score to move to 118.
Stay Tuned for Second Session! ⌛️
Scorecard ▶️ https://t.co/FUbQ3Mhpq9 #INDvENG | @IDFCFIRSTBank pic.twitter.com/zm1uhmKo73
— BCCI (@BCCI) February 26, 2024
ఓవర్ నైట్ స్కోర్ 40తో నాలుగో రోజు ఇన్నింగ్స్ ఆరంభించిన భారత్కు ఆదిలోనే షాక్ తగిలింది. రూట్ తన తొలి ఓవర్లోనే యశస్వీ జైస్వాల్(37 :44 బంతుల్లో)ని ఔట్ చేశాడు. దాంతో, 84 పరుగుల వద్ద టీమిండియా తొలి వికెట్ పడింది. ఆ కాసేపటికే హిట్మ్యాన్ టామ్ హర్ట్లే బౌలింగ్లోరెండు పరుగులు తీసి రోహిత్ శర్మ(55 : 81 బంతుల్లో 5 ఫోర్లు, ఒక సిక్సర్) ఫిఫ్టీ పూర్తి చేసుకున్నాడు. టెస్టుల్లో 17వ హాఫ్ సెంచరీ నమోదు చేశాడు.
1⃣7⃣th Test fifty for Rohit Sharma 👌 👌
Talk about captain leading from the front 👍 👍
Follow the match ▶️ https://t.co/FUbQ3Mhpq9#TeamIndia | #INDvENG | @IDFCFIRSTBank pic.twitter.com/PymznAtOLZ
— BCCI (@BCCI) February 26, 2024
అయితే.. అతడి ఓవర్లోనే రోహిత్ స్టంపౌట్గా వెనుదిరిగాడు. ఆ తర్వాత వచ్చిన రజత్ పాటిదార్(0) బషీర్ బౌలింగ్లో డకౌట్గా వెనుదిరిగాడు. 100 పరుగులకే మూడు వికెట్లు కోల్పోయిన భారత్ను గిల్, జడేజా ఆదుకునే ప్రయత్నం చేస్తున్నారు. వీళ్ల తర్వాత సర్ఫరాజ్ ఖాన్, ధ్రువ్ జురెల్లు రావాల్సి ఉంది. దాంతో రాంచీలోనే భారత్ సిరీస్ పట్టేయడం పక్కా అనిపిస్తోంది.