IND v NZ | రెండు వికెట్లు కోల్పోయిన టీమిండియా.. దెబ్బ తీసిన శాంట్నర్

IND v NZ | టాస్‌ గెలిచిన బ్యాటింగ్ ఎంచుకున్న టీమిండియా అదరగొడుతోంది. కేఎల్‌ రాహుల్‌కు విశ్రాంతినివ్వడంతో ఓపెనర్ అవకాశం దక్కించుకున్న ఇషాన్ కిషన్ (29‌), కెప్టెన్ రోహిత్‌ శర్మ (39 నాటౌట్‌) జట్టుకు అద్భుతమైన

టాస్‌ గెలిచిన బ్యాటింగ్ ఎంచుకున్న టీమిండియా అదరగొడుతోంది. కేఎల్‌ రాహుల్‌కు విశ్రాంతినివ్వడంతో ఓపెనర్ అవకాశం దక్కించుకున్న ఇషాన్ కిషన్ (29‌), కెప్టెన్ రోహిత్‌ శర్మ (39 నాటౌట్‌) జట్టుకు అద్భుతమైన ఆరంభాన్నిచ్చారు. ఇన్నింగ్స్ ఆరంభం నుంచే ఈ ఇద్దరు ఆటగాళ్లు ఆధిపత్యం కనబరిచారు. లయతప్పిన బంతులను నిర్దాక్షిణ్యంగా బౌండరీలకు తరలిస్తూ స్కోరుబోర్డును పరుగులు పెట్టించారు.

దీంతో తొలి పవర్‌ప్లే 6 ఓవర్లు ముగిసే సరికి టీమిండియా వికెట్లేమీ నష్టపోకుండా 69 పరుగులతో నిలిచింది. అయితే కివీస్ కెప్టెన్ శాంట్నర్ వేసిన ఏడో ఓవర్‌ రెండో బంతికే ఇషాన్ అవుటయ్యాడు. అదే ఓవర్ చివరి బంతికి సూర్యకుమార్ యాదవ్‌ డకౌట్ అయ్యాడు.