రువాండా ర్యాలీ విన్నర్‌ నవీన్‌

భారత ర్యాలీ రేసర్‌, హైదరాబాద్‌కు చెందిన పులిగిళ్ల నవీన్‌ అంతర్జాతీయ వేదికపై మరోసారి సత్తా చాటాడు. ఎఫ్‌ఐఏ ఆఫ్రికన్‌ ర్యాలీ చాంపియన్‌షిప్‌ (ఏఆర్‌సీ) మూడో రౌండ్‌ రువాండా మౌంటైన్‌ గొరిల్లా ర్యాలీలో విజేతగా నిలిచాడు.

హైదరాబాద్‌, ఆట ప్రతినిధి : భారత ర్యాలీ రేసర్‌, హైదరాబాద్‌కు చెందిన పులిగిళ్ల నవీన్‌ అంతర్జాతీయ వేదికపై మరోసారి సత్తా చాటాడు. ఎఫ్‌ఐఏ ఆఫ్రికన్‌ ర్యాలీ చాంపియన్‌షిప్‌ (ఏఆర్‌సీ) మూడో రౌండ్‌ రువాండా మౌంటైన్‌ గొరిల్లా ర్యాలీలో విజేతగా నిలిచాడు. సోమవారం ముగిసిన ఈ రేస్‌లో భారత్‌కే చెందిన కో డ్రైవర్‌ మూసా షరీఫ్‌తో కలిసి టీమ్‌ డ్యూరాన్‌ రేసింగ్‌ తరఫున బరిలోకి దిగిన నవీన్‌ ఏఆర్‌సీ3 కేటగిరీలో ట్రోఫీ అందుకున్నాడు.

ఫోర్డ్‌ ఫియస్టా ర్యాలీ3 కారుతో నవీన్‌-మూసా కఠినమైన గ్రావెల్‌ రోడ్లపై గంటకు 170 కిమీ వేగంతో దూసుకెళ్లారు. మొత్తం 18 స్పెషల్‌ స్టేజ్‌లలో 12 చోట్ల విజయం సాధించి తమ ఆధిపత్యాన్ని ప్రదర్శిస్త్తూ 2 గంటల 13 నిమిషాల 48.3 సెకండ్లలో ర్యాలీని పూర్తి చేశారు. ఈ విజయంతో నవీన్‌, మూసా ఏఆర్‌సీ3 చాంపియన్‌షిప్‌ పట్టికలో రెండో స్థానానికి ఎగబాకారు.