NZ vs AUS 1st Test | టెస్టుల్లో గ్రీన్ తొలి సెంచ‌రీ.. ఆలౌట్ ప్ర‌మాదంలో ఆస్ట్రేలియా

NZ vs AUS 1st Test : న్యూజిలాండ్‌తో జ‌రుగుతున్న తొలి టెస్టులో ఆస్ట్రేలియా(Australia) ఆల్‌రౌండ‌ర్ కామెరూన్ గ్రీన్ (103 నాటౌట్) సెంచ‌రీ బాదాడు. ఓవైపు వికెట్లు ప‌డుతున్నా ప‌ట్టువ‌ద‌ల‌ని విక్ర‌మార్కుడిలా పోరాడిన గ్రీన్...

NZ vs AUS 1st Test : న్యూజిలాండ్‌తో జ‌రుగుతున్న తొలి టెస్టులో ఆస్ట్రేలియా(Australia) ఆల్‌రౌండ‌ర్ కామెరూన్ గ్రీన్ (103 నాటౌట్) సెంచ‌రీ బాదాడు. ఓవైపు వికెట్లు ప‌డుతున్నా ప‌ట్టువ‌ద‌ల‌ని విక్ర‌మార్కుడిలా పోరాడిన గ్రీన్.. సుదీర్ఘ ఫార్మాట్‌లో తొలి శ‌త‌కం సాధించాడు. న్యూజిలాండ్ (Newzealand) పేస‌ర్ల ధాటికి టాప్ ఆటగాళ్లు విఫ‌ల‌మైన చోట సాధికారిక ఇన్నింగ్స్ ఆడాడు. దాంతో, ఆస్ట్రేలియా మొద‌టిరోజు ఆట ముగిసే స‌రికి 9 వికెట్ల న‌ష్టానికి 279 ప‌రుగులు చేసింది. కివీస్ స్టార్ పేస‌ర్ హెన్రీ నాలుగు వికెట్లు ప‌డ‌గొట్టాడు.

టాస్ ఓడి బ్యాటింగ్‌కు దిగిన ఆసీస్‌కు ఆదిలోనే షాక్ త‌గిలింది. న్యూజిలాండ్ పేస‌ర్లు మ్యాట్ హెన్రీ, విలియం ఓ రూర్కే విజృంభించ‌డంతో తొలి సెష‌న్‌లోనే నాలుగు వికెట్లు కోల్పోయింది. ఓపెన‌ర్లు స్టీవ్ స్మిత్(31), ఖ‌వాజా (33), ల‌బూషేన్‌(1), ట్రావిస్ హెడ్‌(1)లు 89 ప‌రుగుల‌కే పెవిలియ‌న్ చేరారు. ఆ ద‌శ‌లో గ్రీన్ అస‌మాన ఆట‌తీరును క‌న‌బ‌రిచాడు.

Cameron Green’s acceleration to a superb century makes it an even day in Wellington #NZvAUS

👉https://t.co/xgMWgIb07R | #NZvAUS pic.twitter.com/aJ1al3AaDa

— ESPNcricinfo (@ESPNcricinfo) February 29, 2024

ఆల్‌రౌండ‌ర్ మిచెల్ మార్ష్‌(40), అలెక్స్ క్యారీ(10), కెప్టెన్ ప్యాట్ క‌మిన్స్(19) తో క‌లిసి జ‌ట్ట‌ను ఆదుకున్నాడు. 155 బంతుల్లో 16 ఫోర్ల‌తో టెస్టుల్లో తొలి సెంచ‌రీ నమోదు చేశాడు. అయితే మ‌రికాసేప‌ట్లో ఆట ముగుస్తుంద‌న‌గా నాథ‌న్ లియాన్‌ను హెన్రీ ఔట్ చేశాడు. దాంతో, ఆసీస్ 9 వికెట్లు కోల్పోయి ఆలౌట్ ప్ర‌మాదంలో ప‌డింది. ఆ త‌ర్వాత వ‌చ్చిన హేజిల్ వుడ్‌(0) నాన్ స్ట్ర‌యిక‌ర్ కావ‌డంతో ఆసీస్ బ‌తిక‌పోయింది. రెండో రోజు తొలి సెష‌న్‌లో గ్రీన్, హేజిల్‌వుడ్ ఎన్ని ప‌రుగులు జోడిస్తారో చూడాలి.

ఇవి కూడా చ‌దవండి

• Bade Miyan Chote Miyan | నాటు నాటు స్టెప్పును కాపీ కొట్టిన అక్షయ్‌కుమార్‌, టైగర్‌ ష్రాఫ్‌
• WPL 2024 | ‘మైదానంలోకి దూసుకొస్తావా.. నిన్ను ఎలా అడ్డుకుంటానో చూడు..!
• Chinmayi | సింగర్‌ చిన్మయిపై గచ్చిబౌలి పీఎస్‌లో కేసు.. ఎందుకంటే?