IPL 2024 Auction: రాయల్ ఛాలెంజర్స్ బెంగళూరు (ఆర్సీబీ)కి గతంలో అనలిస్టుగా పనిచేసిన ప్రసన్న అగోరం తాజాగా తన మాజీ ఫ్రాంచైజీపై ఆసక్తికర వ్యాఖ్యలు చేశాడు. వేలంలో ఆర్సీబీ అనుసరించిన వ్యూహాలపై విమర్శలను గుప్పిస్తూ అతడు చేసిన వ్యాఖ్యలు నెట్టింట వైరల్ అవుతున్నాయి. ఈ వేలంలో ఆర్సీబీ సమర్థమైన, స్టార్ బౌలర్లను తీసుకోవడంలో విఫలమైంది. తాజాగా ప్రసన్న.. టీమిండియా స్టార్ స్పిన్నర్ రవిచంద్రన్ అశ్విన్తో లైవ్ వీడియోలో ఇదే విషయాన్ని ఎత్తిచూపుతూ అందాల తార ఐశ్వర్యరాయ్ ప్రస్తావన తెచ్చాడు.
ప్రసన్న మాట్లాడుతూ… ‘‘మనం చిన్నగా ఉన్నప్పుడు అందరం ఐశ్వర్యరాయ్ను పెళ్లి చేసుకోవాలనుకున్నాం. కానీ అది సాధ్యం కాదు కదా. అయితే పెళ్లి అయ్యాక వచ్చిన భార్యనే ‘నువ్వే నా ఐశ్వర్యరాయ్’అని చెబుతుంటాం. ఆ మాదిరిగానే ఆర్సీబీకీ ప్లేయర్లున్నారు. బౌలర్లను కూడా తీసుకున్నారు. కానీ మనం గుడ్డిగా వాళ్లనే నమ్మాలి…
@prasannalara unleashing on RCB with his Aishwarya Rai analogy
Literally laughed for a couple of mins
You aren’t just a man of big cricketing brains , you are a great entertainer too pdogg
Ash na literally couldn’t control his laugh
Video credits – @crikipidea @ashwinravi99 pic.twitter.com/5ERP3r3OO0
— Asvanth (@asvanth1808) December 19, 2023
ఇకనుంచి చిన్నస్వామి అయినా పెరియస్వామి అయినా దొడ్డస్వామి.. ఇలా ఏ స్టేడియం అయినా ఆర్సీబీ మొదట బ్యాటింగ్ చేస్తే వాళ్లు కనీసం 260 నుంచి 280 పరుగులు చేయాలి.. అలా చేస్తే తప్ప గెలవడం ఈ బౌలింగ్ యూనిట్తో చాలా కష్టం…’ అని వ్యాఖ్యానించాడు. అంతేగాక ప్రస్తుతం ఆర్సీబీ బౌలర్లలో ఏ బౌలర్ నాలుగు ఓవర్లలో 50, అంతకంటే ఎక్కువ పరుగులు ఎవరు ఇస్తారోననేదానిపై పోటీ ఉంటుందని వ్యంగ్యాస్త్రాలు సంధించాడు.
నిన్నటి వేలంలో ఆర్సీబీ రూ. 23 కోట్లు మాత్రమే చేతిలో ఉన్నా ఆ ఫ్రాంచైజీ.. పాట్ కమిన్స్ కోసం రూ. 20 కోట్ల వరకూ ఖర్చు చేయాలని చూసింది. కానీ చివరికి సన్ రైజర్స్ అతడిని రూ. 20.50 కోట్లతో దక్కించుకోవడంతో ఆర్సీబీ.. విండీస్ బౌలర్ అల్జారీ జోసెఫ్, యశ్ దయాల్, లాకీ ఫెర్గూసన్, యశ్ దయాల్లను తీసుకుంది. రాబోయే సీజన్లో ఆర్సీబీ తరఫున పేస్ బౌలింగ్ చేసేవారిలో మహ్మద్ సిరాజ్, లాకీ ఫెర్గూసన్, ఆకాశ్ దీప్, స్వప్నీల్ సింగ్, వైశాఖ్ విజయ్కుమార్, యశ్ దయాల్, రీస్ టాప్లీలు ఉన్నారు.
ఆర్సీబీ జట్టు : కామెరూన్ గ్రీన్, విరాట్ కోహ్లీ, అల్జారీ జోసెఫ్, గ్లెన్ మ్యాక్స్వెల్, ఫాఫ్ డుప్లెసిస్, మహ్మద్ సిరాజ్, దినేశ్ కార్తీక్, యశ్ దయాల్, అనూజ్ రావత్, విల్ జాక్స్, లాకీ ఫెర్గూసన్, రీస్ టాప్లీ, మయాంక్ దగర్, టామ్ కరన్, మహిపాల్ లోమ్రర్, రాజన్ కుమార్, కర్ణ్ శర్మ, సుయాశ్ ప్రభుదేశాయ్, మనోజ్ భందగె, ఆకాశ్ దీప్, సౌరవ్ చౌహాన్, హిమాన్షు శర్మ, స్వప్నీల్ సింగ్, వైశాక్ విజయ్కుమార్, రజత్ పాటిదార్