ఎంబాపె గోల్‌ కొట్టినా..

యూరోకప్‌లో ఆడిన తొలి మ్యాచ్‌లో ముక్కుకు గాయమైనా చికిత్స తర్వాత ముఖానికి రక్షణగా మాస్క్‌తో ఆడిన ఫ్రాన్స్‌ సూపర్‌ స్టార్‌ కిలియన్‌ ఎంబాపె..పోలండ్‌తో మ్యాచ్‌లో అదరగొట్టాడు. 56వ నిమిషంలో గోల్‌ చేసి యూరో కప్‌లో తొలి గోల్‌ నమోదు చేశాడు.

xడార్ట్‌ముండ్‌: యూరోకప్‌లో ఆడిన తొలి మ్యాచ్‌లో ముక్కుకు గాయమైనా చికిత్స తర్వాత ముఖానికి రక్షణగా మాస్క్‌తో ఆడిన ఫ్రాన్స్‌ సూపర్‌ స్టార్‌ కిలియన్‌ ఎంబాపె..పోలండ్‌తో మ్యాచ్‌లో అదరగొట్టాడు. 56వ నిమిషంలో గోల్‌ చేసి యూరో కప్‌లో తొలి గోల్‌ నమోదు చేశాడు. ఈ ఎడిషన్‌లో ఫ్రాన్స్‌ తరఫున ఇదే తొలి గోల్‌ కావడం గమనార్హం. ఎంబాపె గోల్‌ చేసినా ఫ్రాన్స్‌, పోలండ్‌ మ్యాచ్‌ 1-1తో డ్రాగా ముగిసింది. పోలండ్‌ ఆటగాడు లెవన్‌డొస్కి 79వ నిమిషంలో గోల్‌ చేసి ఫ్రాన్స్‌ ఆశలపై నీళ్లు చల్లాడు. ఆస్ట్రియా.. 3-2తో నెదర్లాండ్స్‌ను ఓడించగా డెన్మార్క్‌-సెర్బియా, ఇంగ్లండ్‌-స్లోవేనియా మ్యాచ్‌లలో ఒక్క గోల్‌ కూడా నమోదుకాలేదు.