ఐపీఎల్ వేలాన్ని దృష్టిలో పెట్టుకుని.. ఆసీస్ బ్యాట‌ర్‌పై ఇంగ్లండ్ కెప్టెన్ స్లెడ్జింగ్‌

Buttler Sledging: ఆస్ట్రేలియా బ్యాట‌ర్ కెమ‌రూన్ గ్రీన్‌పై ఇంగ్లండ్ కెప్టెన్ జోస్ బ‌ట్ల‌ర్ స్లెడ్జింగ్ చేశాడు. అడిలైడ్‌లో జ‌రిగిన తొలి వ‌న్డేలో ఈ ఘ‌ట‌న చోటుచేసుకున్న‌ది. ఆస్ట్రేలియా చేజింగ్ చేస్తున్న‌ప్పుడు.. 41వ ఓవ‌ర్‌ను డాస‌న్ వేశాడు. అయితే ఆ స‌మ‌యంలో బ‌ట్ల‌ర్ కొన్ని మైండ్ గేమ్స్‌కు తెర‌లేపాడు. రాబోయే ఐపీఎల్ 2023 వేలాన్ని దృష్టిలో పెట్టుకుని బ‌ట్ల‌ర్ కామెంట్స్ చేశాడు. గ్రీన్‌ను మాట‌ల‌తో వేధించే ప్ర‌య‌త్నం చేశాడు.

అడిలైడ్‌: ఆస్ట్రేలియా బ్యాట‌ర్ కెమ‌రూన్ గ్రీన్‌పై ఇంగ్లండ్ కెప్టెన్ జోస్ బ‌ట్ల‌ర్ స్లెడ్జింగ్ చేశాడు. అడిలైడ్‌లో జ‌రిగిన తొలి వ‌న్డేలో ఈ ఘ‌ట‌న చోటుచేసుకున్న‌ది. ఆస్ట్రేలియా చేజింగ్ చేస్తున్న‌ప్పుడు.. 41వ ఓవ‌ర్‌ను డాస‌న్ వేశాడు. అయితే ఆ స‌మ‌యంలో బ‌ట్ల‌ర్ కొన్ని మైండ్ గేమ్స్‌కు తెర‌లేపాడు. రాబోయే ఐపీఎల్ 2023 వేలాన్ని దృష్టిలో పెట్టుకుని బ‌ట్ల‌ర్ కామెంట్స్ చేశాడు. గ్రీన్‌ను మాట‌ల‌తో వేధించే ప్ర‌య‌త్నం చేశాడు.

It was good of @josbuttler to remind Cam Green about the upcoming IPL auction 😂

Textbook stuff this 👌 pic.twitter.com/bkLbdXmUQ4

— Cricket on TNT Sports (@cricketontnt) November 17, 2022

ఆ ఓవ‌ర్‌లో డాస‌న్ వేసిన మూడో బంతికి.. గ్రీన్ ముందుకు వెళ్లి భారీ షాట్ ఆడే ప్ర‌య‌త్నం చేశాడు. కానీ ఆ షాట్‌లో అత‌ను విఫ‌లం అయ్యాడు. అప్పుడు కీపర్ బ‌ట్ల‌ర్ వెనుక నుంచి కామెంట్స్ చేశాడు. బ్యాట‌ర్ భారీ షాట్లు ఆడ‌డం మంచిదే అన్న రీతిలో వ్యాఖ్య‌లు చేశాడు. ఇక ఆ త‌ర్వాత బంతిని గ్రీన్ డిఫెన్స్ ఆడాడు. బ్యాట‌ర్ బాగా ఆడుతున్నాడ‌ని, ఆట‌గాళ్ల భారీ వేలం ముందు ఉంద‌ని బ‌ట్ల‌ర్ అన్నాడు. అయితే డిసెంబ‌ర్‌లో జ‌ర‌గ‌నున్న ఐపీఎల్ 2023 వేలాన్ని దృష్టిలో పెట్టుకుని గ్రీన్‌ను రెచ్చ‌గొట్టే ప్ర‌య‌త్నం చేశాడు బ‌ట్ల‌ర్.

ఇంగ్లండ్‌తో జ‌రిగిన తొలి వ‌న్డేలో ఆసీస్ ఆరు వికెట్ల తేడాతో నెగ్గిన విష‌యం తెలిసిందే. ఐపీఎల్ వేలం కొచ్చిలో డిసెంబ‌ర్ 23వ తేదీన జ‌ర‌గ‌నున్న‌ది.