దాదా బయోపిక్‌ షురూ..

భారత క్రికెట్‌ గతిని మార్చిన సారథుల్లో ఒకడైన సౌరవ్‌ గంగూలీ బయోపిక్‌ ఎట్టకేలకు పట్టాలెక్కింది. గత కొన్నేండ్లుగా ఈ చిత్రంపై చర్చలు సాగుతున్నప్పటికీ బుధవారం అధికారిక ప్రకటన వెలువడింది.

కోల్‌కతా : భారత క్రికెట్‌ గతిని మార్చిన సారథుల్లో ఒకడైన సౌరవ్‌ గంగూలీ బయోపిక్‌ ఎట్టకేలకు పట్టాలెక్కింది. గత కొన్నేండ్లుగా ఈ చిత్రంపై చర్చలు సాగుతున్నప్పటికీ బుధవారం అధికారిక ప్రకటన వెలువడింది. లవ్‌ ఫిల్మ్స్‌ పతాకంపై లవ్‌ రంజన్‌, అంకుర్‌ గార్గ్‌ నిర్మిస్తున్న ఈ సినిమాకు ‘దాదా’ అని నామకరణం చేశారు.

‘ఉడాన్‌’, ‘లుటేరా’, ట్రాప్డ్‌’ వంటి చిత్రాలకు దర్శకత్వం వహించిన విక్రమాదిత్య మెత్వాని ఈ చిత్రాన్ని డైరెక్ట్‌ చేయనుండగా బాలీవుడ్‌ ప్రముఖ నటుడు రాజ్‌కుమార్‌ రావ్‌.. గంగూలీ పాత్రలో నటించనున్నాడు. 1992 నుంచి 2008 వరకూ భారత జట్టుకు ఆడిన గంగూలీ.. అంతర్జాతీయ కెరీర్‌లో 18,575 పరుగులు చేశాడు. ఆట నుంచి వైదొలిగాక బీసీసీఐ అధ్యక్షుడిగానూ పనిచేశాడు.