పారిస్: పోర్చుగల్ ఫుట్బాల్ దిగ్గజం క్రిస్టియానో రొనాల్డో ప్రపంచ రికార్డు సృష్టించాడు. అంతర్జాతీయ మ్యాచ్ల్లో అత్యధిక గోల్స్ (111) కొట్టిన ప్లేయర్గా నిలిచాడు. గురువారం ఐర్లాండ్తో జరిగిన అర్హత మ్యాచ్లో రెండు గోల్స్ కొట్టిన రొనాల్డో.. ఈ ఫీట్ను అందుకున్నాడు. ఈ మ్యాచ్లో పోర్చుగల్ 2-0 తేడాతో ఐర్లాండ్ను ఓడించింది. ఈ రెండు గోల్స్ రొనాల్డో కొట్టినవే కావడం గమనార్హం. మ్యాచ్ 89వ నిమిషంలో గోల్ కొట్టిన క్రిస్టియానో.. ఇరాన్ ఫుట్బాల్ మాజీ దిగ్గజం అలీ దాయి (109) పేరిట ఉన్న అత్యధిక గోల్స్ రికార్డును అధిగమించి సరికొత్త చరిత్ర సృష్టించాడు. మరో ఆరు నిమిషాల్లో మ్యాచ్ ముగుస్తుందనగా హెడర్తో మరో గోల్ కొట్టి పోర్చుగల్ను విజయతీరాలకు చేర్చాడు. 180 అంతర్జాతీయ మ్యాచ్లు ఆడిన రొనాల్డో ఈ అరుదైన రికార్డును సొంతం చేసుకున్నాడు. మ్యాచ్ అనంతరం అతడు స్పందిస్తూ.. ‘నాకెంతో సంతోషంగా ఉంది. ఆట చివర్లో గోల్స్ కొట్టడం, మ్యాచ్లను గెలిపించడాన్ని ఎక్కువగా ఆస్వాదిస్తాను. మా జట్టు అద్భుతంగా ఆడింది. ఆఖరి వరకు మేం గెలుస్తామనే నమ్మాం’ అని అన్నాడు.