బౌలర్లకు ధోనీ హెచ్చరిక

బౌలర్లు నో బాల్స్‌, వైడ్స్‌ తగ్గించుకోకపోతే కొత్త కెప్టెన్‌కింద ఆడాల్సి ఉంటుందని చెన్నై సూపర్‌ కింగ్స్‌ కెప్టెన్‌ ధోనీ హెచ్చరికలు పంపాడు. సోమవారం లక్నో సూపర్‌ జెయింట్స్‌తో జరిగిన మ్యాచ్‌లో చెన్నై 12 పరుగుల తేడాతో గెలిచినప్పటికీ తమ బౌలర్లు మొత్తంగా 3 నోబాల్స్‌, 13 వైడ్లు వేయడం ధోనీని అసహనానికి గురిచేసింది. చెన్నై ఇన్నింగ్స్‌లో చివరి ఓవర్లో ధోనీ వరుసగా రెండు సిక్సర్లు బాదడం వారికి కలిసొచ్చింది.

చెన్నై : బౌలర్లు నో బాల్స్‌, వైడ్స్‌ తగ్గించుకోకపోతే కొత్త కెప్టెన్‌కింద ఆడాల్సి ఉంటుందని చెన్నై సూపర్‌ కింగ్స్‌ కెప్టెన్‌ ధోనీ హెచ్చరికలు పంపాడు. సోమవారం లక్నో సూపర్‌ జెయింట్స్‌తో జరిగిన మ్యాచ్‌లో చెన్నై 12 పరుగుల తేడాతో గెలిచినప్పటికీ తమ బౌలర్లు మొత్తంగా 3 నోబాల్స్‌, 13 వైడ్లు వేయడం ధోనీని అసహనానికి గురిచేసింది. చెన్నై ఇన్నింగ్స్‌లో చివరి ఓవర్లో ధోనీ వరుసగా రెండు సిక్సర్లు బాదడం వారికి కలిసొచ్చింది.

ఆ పరుగులే విజయ వ్యత్యాసం కావడం గమనార్హం. గుజరాత్‌ టైటాన్స్‌తో జరిగిన తమ తొలి మ్యాచ్‌లోనూ చెన్నై బౌలర్లు 2 నోబాల్స్‌, 4 వైడ్లు వేశారు. అందులో యువ పేసర్‌ రాజ్‌వర్ధన్‌ హంగార్గేకర్‌ ఒకే ఓవర్లో ఒక నోబాల్‌, మూడు వైడ్లు వేయడం గమనార్హం. సోమవారం నాటి మ్యాచ్‌లో తుషార్‌ దేశ్‌పాండే రెండు వికెట్లు పడగొట్టినా 3 నోబాల్స్‌, 4 వైడ్లు వేశాడు. సీనియర్‌ బౌలర్‌ దీపక్‌ చాహర్‌ ఒకే వైడ్‌తో అయిదు పరుగులు ఇచ్చుకోవడం ధోనీకి కోపం తెప్పించింది. దీనితో ధోనీ బౌలర్లకు హెచ్చరికలు జారీచేశాడు.