West Indies : టీ20 వరల్డ్ కప్ పోటీలకు ఆతిథ్యమిస్తున్న వెస్టిండీస్(West Indies) కీలక పోరుకు సిద్దమైంది. మెగా టోర్నీకి ముందు దక్షిణాఫ్రికాతో మూడు మ్యాచ్ల పొట్టి సిరీస్ ఆడనుంది. స్వదేశంలో జరిగే సఫారీ ఫైట్ కోసం కరీబియన్ సెలెక్టర్లు కొత్త కెప్టెన్ను ఎంపిక చేశారు. రెగ్యులర్ సారథి రొవ్మన్ పావెల్(Rovman Powell) స్థానంలో బ్రాండన్ కింగ్(Brandon King)కు పగ్గాలు అప్పగించారు. 15 మంది బృందలో ఎవరెవరు ఉన్నారంటే..
వెస్టిండీస్ స్క్వాడ్ : బ్రాండన్ కింగ్(కెప్టెన్), రోస్టన్ ఛేజ్, అలిక్ అథనజె, జాన్సన్ చార్లెస్, అండ్రే ఫ్లెచర్, మాథ్యూ ఫొర్డే, జేసన్ హోల్డర్, అకీల్ హొసేన్, షమర్ జోసెఫ్, కైల్ మేయర్స్, ఒబెడ్ మెక్కాయ్, గుడకేశ్ మోతీ, రొమారియో షెపర్డ్, హెడేన్ వాల్ష్.
🚨 BREAKING NEWS🚨
CWI has named the squad to face South Africa in the upcoming T20I Series at Sabina Park, Jamaica.Read More⬇️https://t.co/Hwevc7HYs2 pic.twitter.com/NUolOXFPEv
— Windies Cricket (@windiescricket) May 19, 2024
రెండుసార్లు పొట్టి ప్రపంచకప్ను ఎగరేసుకుపోయిన వెస్టిండీస్ మూడో ట్రోఫీపై కన్నేసింది. అమెరికాతో పాటు ఆతిథ్యమిస్తున్న విండీస్ సొంత గడ్డపై కప్పు కొట్టేందుకు భారీగానే సన్నద్ధమవుతోందని హెడ్కోచ్ డారెన్ సమీ తెలిపాడు. ‘ఆస్ట్రేలియా సిరీస్ తర్వాత మేము జట్టుగా ఒక్క మంచి సిరీస్ ఆడలేదు. అయితే.. అంటిగ్వాలో కఠినమైన క్యాంప్లో ఆటగాళ్లు పాల్గొన్నారు. ఐపీఎల్ నుంచి వచ్చిన ఆటగాళ్లు వరల్డ్ కప్ పోటీలకు సన్నద్ధమయ్యేందుకు సఫారీ సిరీస్ ఉపయోగపడనుంది’ అని సమీ వెల్లడించాడు.
వెస్టిండీస్, దక్షిణాఫ్రికాల మధ్య మే 24న తొలి టీ20 షురూ కానుంది. మే 27న ఆఖరి మ్యాచ్ అవ్వగానే విండీస్ బృందం టీ20 వరల్డ్ కప్ వామప్ మ్యాచ్లకు సిద్ధమవుతుంది. మే 30వ తేదీన జరిగే వామప్ మ్యాచ్లో ఆస్ట్రేలియాతో కరీబియన్ జట్టు తలపడనుంది.