Rajinikanth | గ్రాండ్‌ఫాదర్‌ డ్యూటీని ఫుల్‌ఫిల్‌ చేసిన రజినీకాంత్‌.. మనవడిని స్వయంగా స్కూల్‌కు తీసుకెళ్లిన తలైవ

Rajinikanth | సూపర్‌ స్టార్‌ రజినీకాంత్‌ (Superstar Rajinikanth) గ్రాండ్‌ఫాదర్‌ బాధ్యతలను ఫుల్‌ఫిల్‌ చేశారు (Fulfilling Grandfather Duties). స్కూల్‌కు వెళ్లనని మారాం చేస్తున్న తన మనవడిని స్వయంగా తీసుకెళ్లారు.

Rajinikanth | సూపర్‌ స్టార్‌ రజినీకాంత్‌ (Superstar Rajinikanth) ఎంత సింపుల్‌ లైఫ్‌ను లీడ్‌ చేస్తారో అందరికీ తెలిసిందే. నిత్యం సినిమా షూటింగ్స్‌తో బిజీగా ఉండే ఈ స్టార్‌ హీరో.. ఫ్యామిలీ, ఫ్రెండ్స్‌తో విలువైన సమయాన్ని గడుపుతుంటారు. ఇప్పుడు తాజాగా గ్రాండ్‌ఫాదర్‌ బాధ్యతలను ఫుల్‌ఫిల్‌ చేశారు (Fulfilling Grandfather Duties). స్కూల్‌కు వెళ్లనని మారాం చేస్తున్న తన మనవడిని స్వయంగా తీసుకెళ్లారు. ఈ విషయాన్ని రజినీ కుమార్తె సౌందర్య (Soundarya Rajinikanth ) ఇన్‌స్టా వేదికగా వెల్లడించారు.

ఇవాళ ఉదయం తన కుమారుడు వేద్‌ (Ved) పాఠశాలకు వెళ్లనని మారాం చేసినట్లు తెలిపారు. అప్పుడు సూపర్‌ హీరో (రజినీకాంత్‌ను ఉద్దేశిస్తూ) స్వయంగా వేద్‌ని పాఠశాలకు తీసుకెళ్లినట్లు చెప్పారు. ‘ఆఫ్‌ స్క్రీన్‌లో అయినా ఆన్‌ స్క్రీన్‌లో అయినా ప్రతి పాత్రనూ మీరు ఉత్తమంగా పోషిస్తారు నాన్నా..’ అంటూ పోస్టు పెట్టారు. ఈ పోస్ట్‌కు తన కుమారుడిని పాఠశాలకు తీసుకెళ్తున్న ఫొటోలను జత చేశారు. ప్రస్తుతం ఈ ఫొటోలు నెట్టింట వైరల్‌ అవుతున్నాయి.

 

View this post on Instagram

 

A post shared by Soundarya Rajinikanth (@soundaryaarajinikant)

సినిమాల విషయానికొస్తే.. త‌మిళ అగ్ర ద‌ర్శకుడు లోకేష్ కనగ‌రాజ్‌ సూపర్ స్టార్ రజనీకాంత్ (Rajinikanth) కాంబినేషన్‌లో వ‌స్తున్న తాజా చిత్రం ’కూలీ’ (Coolie Movie). సన్‌పిక్చర్స్ బ్యానర్‌పై కళానిధిమారన్ ఈ సినిమాను భారీ బ‌డ్జెట్‌తో నిర్మిస్తుండ‌గా.. తలైవ కెరీర్‌లో ఇది 171వ సినిమా. సౌత్ ఇండియన్ మ్యూజిక్ సెన్సేషన్ అనిరుధ్ ఈ చిత్రానికి సంగీతం అందించనున్నారు. ఈ చిత్రం ప్రస్తుతం శ‌ర‌వేగంగా షూటింగ్ జ‌రుపుకుంటోంది.

అదేవిధంగా రజనీకాంత్‌ నటిస్తున్న 170వ చిత్రం ‘వేట్టయాన్‌’ (Vettayan Movie). ‘జై భీమ్‌’ ఫేమ్‌ టీ.జే. జ్ఞానవేల్‌ దర్శకత్వం వహిస్తున్నారు. లైకా ప్రొడక్షన్స్‌ పతాకంపై సుభాస్కరన్‌ నిర్మిస్తున్నారు. ఈ సినిమాలో అమితాబ్‌ బచ్చన్‌, ఫహద్‌ ఫాజిల్‌, రానా దగ్గుబాటి, మంజు వారియర్‌ కీలక పాత్రలను పోషిస్తున్నారు. ఈ పాన్‌ ఇండియా చిత్రం షూటింగ్‌ పూర్తి చేసుకుంది. అక్టోబర్‌లో విడుదల చేసేందుకు సన్నాహాలు చేస్తున్నారు. ఈ చిత్రంలో రజనీకాంత్‌ రిటైర్డ్‌ పోలీసాఫీసర్‌ పాత్రలో కనిపించనున్నారు. వ్యవస్థలోని అన్యాయాలు, అక్రమాలపై ఆయన చేసిన పోరాటం ఏమిటన్నదే ఈ సినిమా కథాంశమని చిత్ర బృందం పేర్కొంది. కిషోర్‌, రితికా సింగ్‌, దుషార విజయన్‌, అభిరామి, రావు రమేష్‌ తదితరులు నటిస్తున్నారు.

Also Read..

Kargil Vijay Diwas | కార్గిల్‌ విజయ్‌ దివస్‌.. యుద్ధ వీరులకు రాష్ట్రపతి ముర్ము నివాళి

US Senator | భారత్‌తో సంబంధాలు చాలా కీలకం.. పాక్‌కు సాయాన్ని నిషేధించాలి.. అమెరికా కాంగ్రెస్‌లో కీలక బిల్లు

Kanwar Yatra | అందుకే ఆ నిర్ణయం.. ‘కన్వర్‌’ మార్గంలో నేమ్‌ప్లేట్ల ఏర్పాటుపై వివరణ ఇచ్చిన యూపీ ప్రభుత్వం