ఆరంభ మ్యాచ్‌లకు హాజిల్‌వుడ్‌ దూరం

టీ20 ప్రపంచకప్‌ ఆరంభానికి ముందే ఆస్ట్రేలియా క్రికెట్‌ జట్టుకు ఎదురుదెబ్బ తగిలింది. టోర్నీలో ఇప్పటికే కమిన్స్‌ దూరమవగా.. తాజాగా కొన్ని మ్యాచ్‌ల పాటు ఆ జట్టు ప్రీమియం పేసర్‌ జోష్‌ హాజిల్‌వుడ్‌ సేవలనూ కోల్పోనున్నది.

సిడ్నీ : టీ20 ప్రపంచకప్‌ ఆరంభానికి ముందే ఆస్ట్రేలియా క్రికెట్‌ జట్టుకు ఎదురుదెబ్బ తగిలింది. టోర్నీలో ఇప్పటికే కమిన్స్‌ దూరమవగా.. తాజాగా కొన్ని మ్యాచ్‌ల పాటు ఆ జట్టు ప్రీమియం పేసర్‌ జోష్‌ హాజిల్‌వుడ్‌ సేవలనూ కోల్పోనున్నది. కాలి మడమ నొప్పి గాయం నుంచి ఇప్పుడిప్పుడే పూర్తిస్థాయిలో కోలుకుంటున్న అతడు సిడ్నీలో పునరావాసం పొందుతున్నాడు.

దీంతో అతడి స్థానంలో రిజర్వ్‌ పేసర్‌గా సీన్‌ అబాట్‌కు అవకాశం దక్కింది. పాకిస్థాన్‌తో సిరీస్‌కు దూరమైన గ్లెన్‌ మ్యాక్స్‌వెల్‌, నాథన్‌ ఎల్లీస్‌, టిమ్‌ డేవిడ్‌.. నేడు కొలంబోలో జట్టుతో కలిసే అవకాశముంది.