T20 World Cup | సెమీస్‌కు ఆసీస్‌.. తప్పక నెగ్గాల్సిన మ్యాచ్‌లో చేతులెత్తేసిన భారత అమ్మాయిలు

ఐసీసీ మహిళల టీ20 ప్రపంచకప్‌లో భాగంగా సెమీస్‌ రేసులో నిలవాలంటే భారీ తేడాతో తప్పక నెగ్గాల్సిన మ్యాచ్‌లో భారత అమ్మాయిల జట్టు చేతులెత్తేసింది. ఆదివారం షార్జా వేదికగా జరిగిన మ్యాచ్‌లో భారత్‌ను 9 పరుగుల తేడాతో ఓడించిన ఆస్ట్రేలియా సెమీస్‌కు ప్రవేశించింది.

T20 World Cup | షార్జా: ఐసీసీ మహిళల టీ20 ప్రపంచకప్‌లో భాగంగా సెమీస్‌ రేసులో నిలవాలంటే భారీ తేడాతో తప్పక నెగ్గాల్సిన మ్యాచ్‌లో భారత అమ్మాయిల జట్టు చేతులెత్తేసింది. ఆదివారం షార్జా వేదికగా జరిగిన మ్యాచ్‌లో భారత్‌ను 9 పరుగుల తేడాతో ఓడించిన ఆస్ట్రేలియా సెమీస్‌కు ప్రవేశించింది.

మొదట బ్యాటింగ్‌ చేసిన ఆసీస్‌.. 20 ఓవర్లలో 151/8 పరుగులు చేసింది. గ్రేస్‌ హారీస్‌ (40), ఎల్లీస్‌ పెర్రీ (32) రాణించారు. ఛేదనలో హర్మన్‌ప్రీత్‌ కౌర్‌ (54 నాటౌట్‌) అర్ధ సెంచరీతో పోరాడినా 20 ఓవర్లలో భారత్‌ 142/9 వద్దే ఆగిపోయింది. నేడు న్యూజిలాండ్‌, పాకిస్థాన్‌ మధ్య జరగాల్సిన మ్యాచ్‌ ఫలితంపై భారత్‌ సెమీస్‌ అవకాశాలు ఆధారపడి ఉన్నాయి. కివీస్‌ ఓడిపోతేనే మన అమ్మాయిలకు సెమీస్‌ చేరడానికి అవకాశముంటుంది.