Visit:
ఆస్ట్రేలియా, ఇంగ్లండ్ మ‌ధ్య జ‌రుగుతున్న టీ20 వ‌ర‌ల్డ్ క‌ప్ మ్యాచ్‌లో తొలుత బ్యాటింగ్ బ‌రిలోకి దిగిన ఆస్ట్రేలియా త‌డ‌బ‌డుతోంది. ఒక్క కెప్టెన్ ఫించ్ త‌ప్పితే టీమ్‌ను ఎవ్వ‌రూ ఆదుకోలేదు. ఫించ్ ఇప్ప‌టి వ‌ర‌కు 41 బంతుల్లో 34 ప‌రుగులు చేశాడు. 15 ఓవ‌ర్ల‌కు ఆస్ట్రేలియా 5 వికెట్ల న‌ష్టానికి 67 ప‌రుగులు చేసింది.
ఓపెన‌ర్ల‌లో వార్న‌ర్ 2 బంతుల్లో కేవ‌లం ఒక్క ప‌రుగు మాత్ర‌మే చేసి వోకెస్ బౌలింగ్‌లో బ‌ట్ల‌ర్‌కు క్యాచ్ ఇచ్చి పెవిలియ‌న్ చేరాడు. స్మిత్ 5 బంతుల్లో ఒక్క ప‌రుగు, మాక్స్‌వెల్ 9 బంతుల్లో 6 ప‌రుగులు, వేడ్ 18 బంతుల్లో 18 ప‌రుగులు చేయ‌గా.. స్టోయినిస్ డ‌క్ ఔట్ అయ్యాడు. ప్ర‌స్తుతం క్రీజులో ఫించ్, అగ‌ర్ ఉన్నారు.
ఇంగ్లండ్ బౌల‌ర్లు మాత్రం విజృంభిస్తున్నారు. క్రిస్ వోకెస్ 3 ఓవ‌ర్లు వేసి 2 వికెట్లు తీసుకొని కేవ‌లం 7 ప‌రుగులు మాత్ర‌మే ఇచ్చాడు. ర‌షీద్.. 4 ఓవ‌ర్లు వేసి ఒక వికెట్ తీసి 19 ప‌రుగులు ఇచ్చాడు. క్రిస్ జోర్డాన్ 2 ఓవ‌ర్లు వేసి ఒక వికెట్ తీసి 7 ప‌రుగులు ఇచ్చాడు. లివింగ్‌స్టన్ 4 ఓవ‌ర్లు వేసి ఒక వికెట్ తీసి 15 ప‌రుగులు ఇచ్చాడు.
