Antim Panghal: అంతిమ్‌ పంగల్‌కు ప్రతిష్టాత్మక అవార్డు..

Antim Panghal: 19 ఏండ్ల అంతిమ్‌.. గత రెండేండ్లుగా అద్భుత విజయాలతో వరుస టోర్నీలలో పతకాలు కొల్లగొడుతున్నది. ఆమె వచ్చే ఏడాది పారిస్‌ వేదికగా జరుగబోయే పారిస్ ఒలింపిక్స్‌లో సత్తా చాటేందుకు సిద్ధమవుతుండగా...

Antim Panghal: భారత రెజ్లింగ్‌ యువ సంచలనం అంతిమ్‌ పంగల్‌కు ప్రతిష్టాత్మక అవార్డు దక్కింది. 2023 సంవత్సరానికి గాను అంతిమ్‌.. ‘రైజింగ్‌ స్టార్‌ ఆఫ్‌ ది ఈయర్‌ ’ అవార్డును సొంతం చేసుకుంది. ప్రతిష్టాత్మక యూనైటెడ్‌ వరల్డ్‌ రెజ్లింగ్ (యూడబ్ల్యూడబ్ల్యూ) ఈ అవార్డును అందజేసింది. 19 ఏండ్ల అంతిమ్‌.. గత రెండేండ్లుగా అద్భుత విజయాలతో వరుస టోర్నీలలో పతకాలు కొల్లగొడుతున్నది. ఆమె వచ్చే ఏడాది పారిస్‌ వేదికగా జరుగబోయే పారిస్ ఒలింపిక్స్‌లో సత్తా చాటేందుకు సిద్ధమవుతుండగా ఈ అవార్డు దక్కడం ఈ యువ బాక్సర్‌ ఆత్మ విశ్వాసాన్ని మరింత పెంపొందించేదే.

గతేడాది అండర్‌ 20 వరల్డ్‌ ఛాంపియన్‌షిప్‌ లో అంతిమ్‌ మూడో స్థానంలో నిలిచింది. ఈ ఏడాది ఏకంగా అగ్రస్థానాన్ని కైవసం చేసుకుని ఛాంపియన్‌గా నిలిచింది. 2020లో 17 ఏండ్ల వయసులోనే అంతిమ్‌.. జూనియర్‌ ఆసియన్‌ ఛాంపియన్‌షిప్‌లో స్వర్ణం నెగ్గింది. అండర్‌ – 23 ఆసియన్‌ ఛాంపియన్‌షిప్స్‌లో రెండో స్థానం దక్కించుకుంది. ఇక కొద్దిరోజుల క్రితమే హాంగ్జౌ వేదికగా ముగిసిన ఆసియా క్రీడలలో కాంస్యం గెలిచింది. ఈ ఏడాది వరల్డ్‌ ఛాంపియన్షిప్స్‌లో కాంస్యం నెగ్గడంతో ఆమె పారిస్‌ ఒలింపిక్స్‌లో బెర్త్‌ ఖాయం చేసుకుంది.

 

🤼‍♀️ ANTIM PANGHAL WINS WOMEN’S RISING STAR OF THE YEAR AWARD

Antim Panghal with a stellar 2023 season wins UWW Rising Star of the Year Award.

Antim’s achievement in 2023:
Asian Championships 🥈
U20 World C’ships 🥇
Senior World C’ships 🥉
Asian Games 🥉 pic.twitter.com/xDW9W06cB5

— SPORTS ARENA🇮🇳 (@SportsArena1234) December 13, 2023