IPL 2024 Promo | ఐపీఎల్‌-17 ప్రోమో వచ్చేసింది.. వీడియో వైరల్‌

IPL 2024 Promo | కొద్దిరోజుల క్రితమే బీసీసీఐ.. ఐపీఎల్‌ -2024 తొలి విడత షెడ్యూల్‌ను విడుదల చేయగా తాజాగా ఈలీగ్‌ అఫిషీయల్‌ టెలివిజన్‌ పార్ట్‌నర్‌ స్టార్‌.. ప్రోమోను వదిలింది. రిషభ్‌ పంత్‌, శ్రేయస్‌ అయ్యర్‌, కేఎల్‌ రాహుల్‌, హార్ధిక్‌ పాండ్యాలు నటించిన ఈ ప్రోమోలో..

IPL 2024 Promo | మరో మూడు వారాల్లో మొదలుకాబోయే ఇండియన్‌ ప్రీమియర్‌ లీగ్‌ (ఐపీఎల్‌) 17వ సీజన్‌ హంగామా ఇప్పటికే మొదలైంది. కొద్దిరోజుల క్రితమే బీసీసీఐ.. ఐపీఎల్‌ -2024 తొలి విడత షెడ్యూల్‌ను విడుదల చేయగా తాజాగా ఈలీగ్‌ అఫిషీయల్‌ టెలివిజన్‌ పార్ట్‌నర్‌ స్టార్‌.. ప్రోమోను వదిలింది. రిషభ్‌ పంత్‌, శ్రేయస్‌ అయ్యర్‌, కేఎల్‌ రాహుల్‌, హార్ధిక్‌ పాండ్యాలు నటించిన ఈ ప్రోమో ప్రస్తుతం నెట్టింట వైరల్‌ అవుతోంది. 90 సెకన్ల నిడివి ఉన్న ఈ యాడ్‌తో స్టార్‌.. ఐపీఎల్‌ ప్రారంభంపై మరింత ఆసక్తిని పెంచింది.

యాడ్‌లో రిషభ్‌ పంత్‌ సిక్కు వేషధారణలో కనిపించాడు. ఇటీవలే విడుదలై బ్లాక్‌ బస్టర్‌ హిట్‌ కొట్టిన యానియల్‌ సినిమా స్టైల్‌లో ఎంట్రీ ఇచ్చిన పంత్‌.. ఓ పంజాబీ డాబాలోకి వచ్చి గతేడాది ఐపీఎల్‌ ఫైనల్‌లో గుజరాత్‌ టైటాన్స్‌పై సిక్సర్‌ కొట్టి గెలిపించిన జడేజాను ధోని హత్తుకోవడం చూసి కన్నీరు కారుస్తాడు.

కోల్‌కతా నైట్‌ రైడర్స్‌ కెప్టెన్‌ శ్రేయస్‌ అయ్యర్‌ యాడ్‌లో ప్యూర్‌ బెంగాలీ అబ్బాయిగా కనిపించాడు. కండ్లకు పాతకాలం నాటి అద్దాలు పెట్టుకుని గతేడాది గుజరాత్‌ పై రింకూ సింగ్‌ ఆఖరి ఓవర్లో వరుసగా ఐదు బంతుల్లో ఐదు సిక్సర్లు కొట్టిన వీడియోను ఫ్యామిలీతో చూస్తూ ఎంజాయ్‌ చేసినట్టు నటించాడు.

 

Jab saath mil kar Star Sports par dekhenge #TataIPL 2024, tab Gajab IPL ka #AjabRangDikhega! 🤩

IPL starts on MARCH 22 on Star Sports

The real magic of #IPL2024 is unleashed when you watch it together on the big screen – Because it’s always #BetterTogether! 🫂🤌

Don’t miss… pic.twitter.com/h7wran9DRY

— Star Sports (@StarSportsIndia) March 3, 2024

ఇక లక్నో కెప్టెన్‌ కేఎల్‌ రాహుల్‌.. ఓ స్టడీ హాల్‌లో చదువుకుంటున్న విద్యార్థిగా అలరించాడు. గత సీజన్‌లో లక్నో ఆర్సీబీతో ఆడిన మ్యాచ్‌లో అంపైర్‌ తప్పిదం వల్ల మ్యాచ్‌ ఓడిపోవడాన్ని చూస్తూ ఫ్రస్ట్రేషన్‌లో బుక్‌ విసిరేయడం, అంపైర్‌పై అరిచినట్టు కనపించాడు.

ఆఖర్లో వచ్చిన హార్ధిక్‌ పాండ్యా.. కంపెనీ సీఈవోగా నటించాడు. జపాన్‌ ప్రతినిధులతో సమావేశమైన పాండ్యా.. సమావేశం ముగియగానే టీవీలో ముంబై ఇండియన్స్‌ జట్టు ఐదోసారి విజేతగా నిలిచిందని చెప్పడంతోనే జపాన్‌ డెలిగేట్స్‌తో కలిసి సంబురాలు చేసుకుంటున్నట్టు చూపించారు. రాబోయే సీజన్‌లో హార్ధిక్‌.. ముంబై కెప్టెన్‌గా వ్యవహరించనున్న విషయం విదితమే.