Afghanistan Tour of India: భారత పర్యటనకు రానున్న అఫ్గాన్.. షెడ్యూల్ ఖరారు

Afghanistan Tour of India: భారత్‌, అఫ్గాన్‌లు ఇప్పటివరకూ  ఐసీసీ, ఆసియా  క్రికెట్‌ కౌన్సిల్‌ (ఏసీసీ) నిర్వహించే మ్యాచ్‌లలో తప్ప   నేరుగా తలపడింది లేదు.  ఇరుదేశాల మధ్య  ద్వైపాక్షిక క్రికెట్‌ సంబంధాలను పెంచుకునేందుకు గాను...

Afghanistan Tour of India: రెండ్రోజుల క్రితం ముగిసిన వన్డే వరల్డ్‌ కప్‌లో  అనూహ్యమైన ఫలితాలతో  విమర్శకుల ప్రశంసలు పొందిన అఫ్గానిస్తాన్‌ క్రికెట్‌ జట్టు.. తొలిసారి భారత పర్యటనకు రానుంది. పరిమిత ఓవర్ల క్రికెట్‌లో అఫ్గానిస్తాన్‌.. భారత్‌తో భారత్‌  వేదికగా తలపడుతుండటం ఇదే  ప్రథమం. గతంలో ఆ జట్టు  2018లో బెంగళూరు వేదికగా జరిగిన ఏకైక టెస్టు ఆడేందుకు వచ్చింది  గానీ వైట్‌ బాల్‌  క్రికెట్‌లో మాత్రం ఇదే తొలిసారి.. జనవరి  11 నుంచి  17 వరకు   భారత్‌తో అఫ్గాన్‌ మూడు మ్యాచ్‌ల టీ20 సిరీస్‌ ఆడనుంది. ఈ విషయాన్ని  అఫ్గాన్‌ క్రికెట్‌ బోర్డు  నిర్ధారించింది.

భారత్‌, అఫ్గాన్‌లు ఇప్పటివరకూ  ఐసీసీ, ఆసియా  క్రికెట్‌ కౌన్సిల్‌ (ఏసీసీ) నిర్వహించే మ్యాచ్‌లలో తప్ప   నేరుగా తలపడింది లేదు.  ఇరుదేశాల మధ్య  ద్వైపాక్షిక క్రికెట్‌ సంబంధాలను పెంచుకునేందుకు గాను ఈ సిరీస్‌ ఉపయోగపడుతుందని ఇరుదేశాల బోర్డు ప్రతినిధులు తెలిపారు. వాస్తవానికి మూడు మ్యాచ్‌ల ఈ సిరీస్‌ను ఈ ఏడాది  జూన్‌లో వరల్డ్‌ టెస్ట్‌ ఛాంపియన్‌షిప్‌  ఫైనల్‌ ముగిసిన తర్వాతే నిర్వహించాలని భావించినా అప్పుడు వీలు కాలేదు.

 

𝐈𝐍𝐃𝐈𝐀, 𝐖𝐄 𝐀𝐑𝐄 𝐂𝐎𝐌𝐈𝐍𝐆 𝐀𝐆𝐀𝐈𝐍 🚨

AfghanAtalan are all set to meet Team India in a three-match T20I series in early January next year. 🤩

More 👉: https://t.co/xQmpQtNWuR pic.twitter.com/BpITUbzM3W

— Afghanistan Cricket Board (@ACBofficials) November 21, 2023

భారత్‌-అఫ్గాన్‌ షెడ్యూల్‌ వివరాలు:

తొలి టీ20 :  జనవరి 11న ఐఎస్‌ బింద్రా స్టేడియం, మొహాలి

రెండో టీ20 : జనవరి 14న హోల్కర్‌ స్టేడియం, ఇండోర్‌

మూడో టీ20 : జనవరి  17న చిన్నస్వామి స్టేడియం, బెంగళూరు