Xiaomi 13 Pro | షియోమీ 13 ప్రో లాంచింగ్ ముహూర్తం ఖ‌రారు.. ఇవీ స్పెషిఫికేష‌న్స్‌..?!

Xiaomi 13 pro | చైనా స్మార్ట్ ఫోన్ల త‌యారీ దిగ్గ‌జం షియోమీ.. భార‌త్‌లో త‌న షియోమీ 13 ప్రో మోడ‌ల్ ఫోన్ ఈ నెల 26న ఆవిష్క‌రిస్తామ‌ని తెలిపింది.

Xiaomi 13 Pro | భార‌త్ మార్కెట్‌లో చైనా స్మార్ట్ ఫోన్ దిగ్గ‌జం షియోమీ.. త‌న షియోమీ 13 ప్రో (Xiaomi 13 Pro) ఫోన్ ఆవిష్క‌ర‌ణ తేదీ ప్ర‌క‌టించింది. ఈ నెల 26న దేశీయ మార్కెట్‌లోకి `షియోమీ 13 ప్రో` రానున్న‌ది. ఈ నెల 26 ఉద‌యం 9.30 గంట‌ల‌కు భార‌త్ మార్కెట్‌లో లాంచ్ చేయ‌నున్న‌ది. షియోమీ ఇండియా సైట్‌, కంపెనీ ఇండియా ఫేస్‌బుక్‌, యూ-ట్యూబ్‌, ట్విట్ట‌ర్ ఖాతాల్లో లైవ్ స్ట్రీమ్ చేస్తారు. ఇప్ప‌టికైతే భార‌త్ మార్కెట్‌లో ఎంత ధ‌ర‌కు విక్ర‌యిస్తార‌న్న స‌మాచారం వెల్ల‌డి కాలేదు. గ‌త డిసెంబ‌ర్‌లోనే చైనా మార్కెట్‌లోకి వ‌చ్చేసిన షియోమీ 13 ప్రో ధ‌ర దాదాపు రూ.61 వేలు (4,999 చైనా యువాన్లు)గా ఉండొచ్చున‌ని భావిస్తున్నారు.

క్వాల్‌కామ్ స్నాప్‌డ్రాగ‌న్ 8 జెన్‌2 చిప్‌సెట్‌తో వ‌స్తున్న నాలుగో ఫోన్ ఇది. ఐక్యూ 11 5జీ (iQoo 11 5G), వ‌న్ ప్ల‌స్ 11 5జీ (OnePlus 11 5G), శాంసంగ్ గెలాక్సీ (Samsung Galaxy) ఎస్‌23 సిరీస్ ఫోన్లు కూడా స్నాప్ డ్రాగ‌న్ 8 జ‌న్ 2 ఎస్వోసీ చిప్‌సెట్‌తోనే మార్కెట్‌లోకి వ‌చ్చాయి. అధికారికంగా భార‌త మార్కెట్‌లోకి రానున్న షియోమీ 13 ప్రో ఫీచ‌ర్లు వెల్ల‌డించ‌క‌పోయినా.. చైనా మోడ‌ల్ ఫీచ‌ర్లు ఉండొచ్చున‌ని భావిస్తున్నారు.

ఇవీ షియోమీ 13 ప్రో స్పెషిఫికేష‌న్స్‌..

• 6.73-అంగుళాల 2కే ఓలెడ్ డిస్‌ప్లే విత్ 120 హెర్ట్జ్ రీఫ్రెష్ రేట్‌.
• ఎంఐయూఐ 14 వ‌ర్ష‌న్‌తో ప‌ని చేస్తుంది.
• స్నాప్‌డ్రాగ‌న్ 8 జెన్ 2 ఎస్వోసీ చిప్‌సెట్ విత్ 12జీబీ ఎల్పీడీడీఆర్5ఎక్స్ రామ్‌.
• లైకా- బ్రాండెండ్ 50 మెగా పిక్సెల్ ట్రిపుల్ కెమెరా, 32-మెగా పిక్సెల్ సెల్ఫీ కెమెరా ఆన్ ఫ్రంట్‌.
• వై-ఫై6, బ్లూటూత్ 5.3, ఎన్ఎఫ్‌సీ క‌నెక్టివిటీ ఆప్ష‌న్స్‌.
• లేజ‌ర్ ఫోక‌స్ సెన్స‌ర్‌, ఐఆర్ కంట్రోల్ సెన్స‌ర్‌, ఎక్స్‌-యాక్సిస్ లినియ‌ర్ మోటార్‌.
• 4820 ఎంఏహెచ్ సామ‌ర్థ్యం గ‌ల బ్యాట‌రీ- స‌పోర్ట్ విత్ 120వాట్స్ వైర్డ్ ఫాస్ట్ చార్జింగ్‌, 50 వాట్ల వైర్‌లెస్ ఫాస్ట్ చార్జింగ్‌.
• డ‌స్ట్ అండ్ వాట‌ర్ రెసిస్టెన్స్‌కు ఐపీ68 రేటింగ్‌.