vivo Y19 5G | అదిరిపోయే ఏఐ ఫీచ‌ర్లు, వాట‌ర్ రెసిస్టెన్స్‌తో వివో కొత్త స్మార్ట్ ఫోన్‌.. ధ‌ర చాలా త‌క్కువ‌..

ప్ర‌స్తుతం ల‌భిస్తున్న చాలా వ‌ర‌కు స్మార్ట్ ఫోన్ల‌లో ఏఐ ఫీచ‌ర్ల‌ను అందిస్తున్నారు. అయితే ఈ ఫీచ‌ర్లు ల‌భిస్తున్న బ‌డ్జెట్ స్మార్ట్ ఫోన్లు మార్కెట్‌లో చాలా త‌క్కువ‌గానే ఉన్నాయి. దీంతో అలాంటి ఫోన్ల కోసం వినియోగ‌దారులు ఎంతో ఆస‌క్తిని చూపిస్తున్నారు.

vivo Y19 5G | ప్ర‌స్తుతం ల‌భిస్తున్న చాలా వ‌ర‌కు స్మార్ట్ ఫోన్ల‌లో ఏఐ ఫీచ‌ర్ల‌ను అందిస్తున్నారు. అయితే ఈ ఫీచ‌ర్లు ల‌భిస్తున్న బ‌డ్జెట్ స్మార్ట్ ఫోన్లు మార్కెట్‌లో చాలా త‌క్కువ‌గానే ఉన్నాయి. దీంతో అలాంటి ఫోన్ల కోసం వినియోగ‌దారులు ఎంతో ఆస‌క్తిని చూపిస్తున్నారు. అందులో భాగంగానే త‌యారీ కంపెనీలు కూడా ఇలాంటి ఫోన్ల‌నే మార్కెట్‌లోకి లాంచ్ చేస్తున్నాయి. ఈ క్ర‌మంలోనే లేటెస్ట్‌గా వివో ఓ నూత‌న బ‌డ్జెట్ స్మార్ట్ ఫోన్ ను ఏఐ ఫీచ‌ర్ల‌తో లాంచ్ చేసింది. వై19 5జి పేరిట వివో లాంచ్ చేసిన ఈ ఫోన్‌లో ఆక‌ట్టుకునే ఫీచ‌ర్ల‌తోపాటు ఏఐ ఫీచ‌ర్ల‌ను కూడా అందిస్తున్నారు. వై19 5జి స్మార్ట్ ఫోన్‌లో 6.74 ఇంచుల ఎల్‌సీడీ డిస్‌ప్లేను ఏర్పాటు చేవారు. దీనికి హెచ్‌డీ ప్ల‌స్ రిజ‌ల్యూష‌న్ ఉండ‌గా, 90 హెడ్జ్ రిఫ్రెష్ రేట్‌ను అందిస్తున్నారు.

ఆక‌ట్టుకునే ఏఐ ఫీచ‌ర్లు..

వై19 5జి స్మార్ట్ ఫోన్‌లో ఆక్టాకోర్ మీడియాటెక్ డైమెన్సిటీ 6300 ప్రాసెస‌ర్‌ను ఏర్పాటు చేశారు. ఈ ఫోన్‌లో 6జీబీ ర్యామ్ ల‌భిస్తుంది. అద‌నంగా మ‌రో 6 జీబీ వ‌ర‌కు ర్యామ్‌ను వ‌ర్చువ‌ల్‌గా ఫోన్‌లో పెంచుకునే స‌దుపాయాన్ని అందిస్తున్నారు. ఆండ్రాయిడ్ 15 ఆప‌రేటింగ్ సిస్ట‌మ్ ఆధారంగా ప‌నిచేసే ఫ‌న్ ట‌చ్ ఓఎస్ 15ను ఇందులో అందిస్తున్నారు. ఈ ఫోన్‌లో ప‌లు ర‌కాల ఏఐ ఫీచ‌ర్ల‌ను వినియోగ‌దారులు పొంద‌వ‌చ్చు. ఏఐ ఎరేజ్‌, ఏఐ ఫొటో ఎన్‌హాన్స్‌, ఏఐ డాక్యుమెంట్స్ అనే ఫీచర్ల‌ను ఈ ఫోన్‌లో అందిస్తున్నారు. ఈ ఫోన్‌లో వెనుక వైపు 13 మెగాపిక్స‌ల్ కెమెరా ఉండ‌గా, మ‌రో సెకండ‌రీ కెమెరాను కూడా ఏర్పాటు చేశారు. ముందు వైపు 5 మెగాపిక్స‌ల్ కెమెరా ఉంది.

భారీ బ్యాట‌రీ, వాట‌ర్ రెసిస్టెన్స్‌..

ఈ ఫోన్‌ను మిలిట‌రీ గ్రేడ్ నాణ్య‌త‌తో రూపొందించారు. అందువ‌ల్ల చాలా దృఢ‌మైన క్వాలిటీని క‌లిగి ఉంటుంది. ఐపీ 64 డ‌స్ట్‌, వాట‌ర్ రెసిస్టెన్స్ ఫీచ‌ర్ కూడా ఇందులో ల‌భిస్తుంది. చాలా త‌క్కువ బ‌డ్జెట్‌లోనే ఈ ఫీచ‌ర్ ల‌భిస్తున్న ఫోన్ ఇదే కావ‌డం విశేషం. ఇందులో 5500 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి 15 వాట్ల ఫ్లాష్ చార్జ్ స‌దుపాయం ఉంది. బ్యాట‌రీకి గాను కంపెనీ 5 ఏళ్ల వ‌ర‌కు గ్యారంటీని అందిస్తోంది. 4జీబీ, 6జీబీ ర్యామ్‌, 64 జీబీ, 128 జీబీ స్టోరేజ్ ఆప్ష‌న్లలో ఈ ఫోన్‌ను లాంచ్ చేశారు. ఇందులో మెమొరీని కార్డు ద్వారా 2టీబీ వ‌ర‌కు పెంచుకోవ‌చ్చు. డ్యుయ‌ల్ సిమ్ వేసుకోవ‌చ్చు. హైబ్రిడ్ డ్యుయ‌ల్ సిమ్ కాదు. అందువ‌ల్ల రెండు సిమ్‌ల‌తోపాటు ఒక మెమొరీ కార్డును ఏక‌కాలంలో వేసి ఉప‌యోగించుకోవ‌చ్చు.

ధ‌ర వివ‌రాలు..

ఫింగ‌ర్ ప్రింట్ సెన్సార్‌ను ఈ ఫోన్‌కు ప‌క్క భాగంలో ఇచ్చారు. యూఎస్‌బీ టైప్ సి కి ఇందులో స‌పోర్ట్ ల‌భిస్తుంది. ఎఫ్ఎం రేడియోను కూడా అందిస్తున్నారు. అలాగే 5జి సేవ‌ల‌ను పొంద‌వ‌చ్చు. డ్యుయ‌ల్ 4జి వీవోఎల్‌టీఈ ఫీచ‌ర్ ల‌భిస్తుంది. డ్యుయ‌ల్ బ్యాండ్ వైఫై, బ్లూటూత్ 5.4, యూఎస్‌బీ టైప్ సి వంటి ఇత‌ర ఫీచ‌ర్ల‌ను కూడా ఇందులో పొంద‌వ‌చ్చు. వివో వై19 స్మార్ట్ ఫోన్‌ను టైటానియం సిల్వ‌ర్‌, మేజ‌స్టిక్ గ్రీన్ క‌ల‌ర్ ఆప్ష‌న్ల‌లో లాంచ్ చేశారు. ఈ ఫోన్‌కు చెందిన 4జీబీ ర్యామ్‌, 64 జీబీ స్టోరేజ్ మోడ‌ల్ ధ‌ర రూ.10,499 ఉండగా, 4జీబీ ర్యామ్, 128 జీబీ స్టోరేజ్ మోడ‌ల్ ధ‌ర రూ.11,499గా ఉంది. 6జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర రూ.12,999గా ఉంది. త‌క్కువ బ‌డ్జెట్‌లోనే ఏఐ ఫీచ‌ర్ల‌తోపాటు వాట‌ర్ రెసిస్టెన్స్ ఫీచ‌ర్ కూడా ల‌భిస్తున్న ఫోన్ ఇదే కావ‌డం విశేషం. ఇక ఈ ఫోన్‌ను ఫ్లిప్‌కార్ట్‌తోపాటు వివో ఇండియా ఇ-స్టోర్‌, అన్ని పార్ట్‌న‌ర్ రిటెయిల్ స్టోర్స్‌లోనూ వినియోగ‌దారులు కొనుగోలు చేయ‌వ‌చ్చు. లాంచింగ్ సంద‌ర్భంగా ఈ ఫోన్‌పై జీరో డౌన్ పేమెంట్ ఆప్ష‌న్‌ను అందిస్తున్నారు. 3 నెల‌ల వ‌ర‌కు నో కాస్ట్ ఈఎంఐ స‌దుపాయాన్ని కూడా పొంద‌వ‌చ్చు.