Visit:
చిక్కడపల్లి, సెప్టెంబర్ 26 : చేవెళ్ల డిక్లరేషన్లో గిరిజనులకు ఇచ్చిన ప్రతి హామీని నెరవేర్చాలని మాజీ మంత్రి వీ శ్రీనివాస్గౌడ్ ప్రభుత్వాన్ని డిమాండ్ చేశారు. గిరిజన హక్కుల సాధన కోసం సేవాలాల్ సేన ఆధ్వర్యంలో శనివారం బాగ్లింగంపల్లి సుందరయ్య విజ్ఞాన కేంద్రంలో రౌండ్టేబుల్ సమావేశం నిర్వహించారు. కార్యక్రమానికి ముఖ్యఅతిథిగా హాజరైన శ్రీనివాస్గౌడ్ మాట్లాడుతూ.. గత బీఆర్ఎస్ ప్ర భుత్వం గిరిజనుల సంక్షేమ, అభివృద్ధికి అనేక చర్యలు తీసుకున్నదని గుర్తుచేశారు.
‘గిరిజనులకు 10శాతం రిజర్వేషన్, తండాలను గ్రామపంచాయతీలుగా గుర్తించిన ఘనత మాజీ సీఎం కేసీఆర్కే దక్కిందని తెలిపారు. కానీ, కాంగ్రెస్ ప్రభుత్వం ఎన్నికల ముందు వారికి ఇచ్చిన ఏ ఒక్క హామీ నీ అమలుచేయకుండా మోసం చేసిందని మండిపడ్డారు. సేవాలాల్ సేనతోపాటు అన్ని గిరిజన సంఘాలు హక్కుల కోసం పోరాడాలని పిలుపునిచ్చారు. సేవాలాల్ సేన అధ్యక్షుడు అంగోత్ రాంబాబు మా ట్లాడుతూ.. గిరిజన సమస్యలను సత్వరమే పరిష్కరించాలని డిమాండ్ చేశారు. ముడావత్ కృష్ణానాయక్ పాల్గొన్నారు.
