Twitter : ట్విట్ట‌ర్ బంప‌ర్ ఆఫ‌ర్.. త‌మ ఆల్గారిథ‌మ్‌లో బ‌గ్ గుర్తిస్తే భారీ పారితోష‌కం

ప్ర‌ముఖ మైక్రో బ్లాగింగ్ సైట్ ట్విట్ట‌ర్.. బంప‌ర్ ఆఫ‌ర్ ప్ర‌క‌టించింది. త‌మ ఆల్గారిథ‌మ్‌లో బ‌గ్ గుర్తిస్తే భారీ పారితోష‌కం

Twitter : ప్ర‌ముఖ మైక్రో బ్లాగింగ్ సైట్ ట్విట్ట‌ర్.. బంప‌ర్ ఆఫ‌ర్ ప్ర‌క‌టించింది. త‌మ ఆల్గారిథ‌మ్‌లో బ‌గ్ గుర్తిస్తే భారీ పారితోష‌కం ఇస్తామ‌ని ప్ర‌క‌టించింది. కంప్యూట‌ర్ సాఫ్ట్ వేర్ భాష‌లో బ‌గ్ అంటే.. ఎర్ర‌ర్ లేదా లోపం. త‌న ఆర్టిఫిషియ‌ల్ ఇంటెలిజెన్స్ ఆల్గారిథ‌మ్ లో బ‌గ్‌ను గుర్తించి ట్విట్ట‌ర్‌కు తెలియ‌జేయాల‌ని హ్యాక‌ర్ల‌కు ట్విట్ట‌ర్ స‌వాల్ విసిరింది. ఏఐ ఆల్గారిథ‌మ్ మీద‌ ట్విట్టర్ నుంచి వ‌చ్చిన మొట్ట‌మొద‌టి కాంపిటిష‌న్ ఇది. త్వ‌ర‌లో ట్విట్ట‌ర్ హ్యాక‌ర్ కన్వెన్ష‌న్ డెఫ్ కాన్ ఏఐ(DEF CON AI)ని ట్విట్ట‌ర్ నిర్వ‌హించ‌బోతోంది. ఈసంద‌ర్భంగా ఈ స‌వాల్‌ను విసిరింది.

అయితే.. త‌న బ్లాగ్ పోస్ట్‌లో ఈ చాలెంజ్ గురించి వెల్ల‌డించిన ట్విట్ట‌ర్.. త‌మ ఆల్గారిథ‌మ్‌లో బ‌గ్ క‌నుక్కోవ‌డం చాలా క‌ష్టం అని పేర్కొన్న‌ది. అందుకే.. ఇది హ్యాక‌ర్ల‌కు స‌వాల్ అంటూ వెల్ల‌డించింది. గ‌త మేలో కూడా ట్విట్ట‌ర్ ముఖ్య‌మైన ఆల్గారిథ‌మ్ లో లోపాలు వెత‌కాలంటూ స‌వాల్ విసిరింది. అంతే కాదు.. ఆ ఆల్గారిథ‌మ్‌కు సంబంధించిన కోడ్‌ను ప‌బ్లిక్ ప్లాట్ ఫాంలో అంద‌రికీ అందుబాటులో ఉంచింది. తాజాగా మ‌రోసారి ఏఐ ఆల్గారిథ‌మ్‌పై స‌వాల్ విసిరింది.

తమ‌కు వీలైనంత బెట‌ర్‌గా ఆల్గారిథ‌మ్స్‌ను డెవ‌ల‌ప్ చేసిన‌ప్ప‌టికీ.. హ్యాక‌ర్లు ఇందులో ఏదైనా లోపాన్ని వెతికి కంపెనీకి చెప్పాల‌ని.. ఎవ‌రైతే అస‌లైన బ‌గ్‌ను క‌నిపెడ‌తారో.. వాళ్ల‌ను విజేత‌లుగా హ్యాక‌ర్ క‌న్వెన్ష‌న్‌లో ప్ర‌క‌టిస్తామ‌ని కంపెనీ వెల్ల‌డించింది.

అయితే.. త‌మ ఎంట్రీల‌ను ఆగ‌స్టు 7 లోపు పంపించాల‌ని స్ప‌ష్టం చేసింది. హ్యాక‌ర్ వ‌ర్క్ షాపు ఆగ‌స్టు 8న జ‌ర‌గ‌నుంది. బగ్‌ను క‌నిపెట్టిన వాళ్ల‌లో మొదటి బ‌హుమ‌తి గెలుచుకున్న వాళ్ల‌కు 3500 డాల‌ర్లు(2.5 ల‌క్ష‌లు), రెండో బ‌హుమ‌తి గెలుచుకున్న‌వాళ్ల‌కు 1000(70 వేలు) డాల‌ర్లు, మూడో బ‌హుమ‌తి గెలుచుకున్న‌వాళ్ల‌కు 500(35 వేలు) డాల‌ర్ల‌ను ఇవ్వ‌నుంది ట్విట్ట‌ర్.