Leap second | 2035 లో రిటైర్డ్‌ కానున్న లీప్‌ సెకండ్‌.. సాఫ్ట్‌వేర్‌ ఇంజినీర్ల తలనొప్పులకు చెక్‌..!

Leap second | ఇప్పటివరకు కలుపుతూ వచ్చిన సెకన్‌ ఇకపై కలపాల్సిన అవసరం లేదు. ఈ మేరకు ఫ్రాన్స్‌లో సభ్యదేశాలు తీర్మానాన్ని ఆమోదించాయి. లీప్‌ సెకండ్‌ 2035 లో రిటైర్డ్‌ కానున్నట్లు ప్రకటించాయి. దీంతో సాఫ్ట్‌వేర్‌ ఇంజినీర్ల తలనొప్పులు దూరం కానున్నాయి.

Leap second | లీప్‌ సెకండ్‌ మరో 13 ఏండ్లకు రిటైర్డ్‌ కానున్నది. శుక్రవారం ఫ్రాన్స్‌లోని వెర్సైల్లెస్‌లో సైన్స్‌ అండ్‌ మెజర్‌మెంట్‌ ప్రమాణాలపై అంతర్జాతీయ ఒప్పందంలోని సభ్యదేశాలు ఈ మేరకు నిర్ణయం తీసుకున్నాయి. దీనికి సంబంధించిన తీర్మానాన్ని సభ్యదేశాలు ఏకగ్రీవంగా ఆమోదించాయి. ఈ నిర్ణయంతో ప్రపంచవ్యాప్తంగా ఉన్న శాస్త్రవేత్తలు, మెట్రాలజిస్టులు ఊపిరిపీల్చుకున్నారు. లీప్‌ సెకండ్‌ సమస్యను పరిష్కరించాలంటూ కొందరు శాస్త్రవేత్తలు గత కొన్నేండ్లుగా తీవ్ర ఒత్తిడి తీసుకువస్తున్నారు. లీప్‌ సెకండ్‌ రిటైర్మెంట్‌ నిర్ణయంతో సాఫ్ట్‌వేర్‌ ఇంజినీర్లకు తలనొప్పులు పటాపంచలు కానున్నాయని పలువురు శాస్త్రవేత్తలు అభిప్రాయపడుతున్నారు. ప్రతి కొన్ని

ఈ లీప్‌ సెకండ్‌ సమస్య 50 ఏండ్ల క్రితం ప్రారంభమైంది. ఈ పద్ధతిని ఇంటర్నేషనల్‌ ఆటమిక్‌ టైమ్‌ క్లాక్‌తో సరిపోల్చేందుకు ప్రయత్నించారు. అయితే, దాని అక్షంపైన భూమి భ్రమణ వేగం అటమిక్‌ క్లాక్‌ టైమ్‌ కంటే కొంచెం వెనకబడి ఉన్నది. ఆటమిక్‌ టైమ్‌లో ఒక సెకను ముందుకు వచ్చినప్పుడు దానిని భూమికి సమానంగా చేసేందుకు ఒక సెకన్‌ నిలిపేస్తారు. 1972 లో ఈ పద్ధతిని తీసుకొచ్చినప్పుడు ఆటమిక్‌ టైమ్‌ క్లాక్‌కు 10 లీప్‌ సెకండ్లను కలిపారు. ఆ తర్వాత మరో 27 సెకండ్లను కూడా కలిపారు.

లీపు సెకండ్ అంటే..
భూమి తన చుట్టూ తాను తిరగడానికి కొన్నిసార్లు 24 గంటల కన్నా ఎక్కువ సమయం పడుతుంది. దీన్ని సవరించేందుకు కలిపిన సెకండ్లనే లీప్‌ సెకండ్లంటారు. భూభ్రమణం పూర్తయ్యేందుకు సగటున ఒక రోజులో 0.5 సెకన్లు తక్కువగా నమోదవుతున్నది. ఉపగ్రహాలు , సౌరకాలమానంపై ఆదారపడి మాత్రమే సమాచార సాధనాలన్నీ పనిచేస్తాయి. నక్షత్రాలు, చంద్రుడు, సూర్యుడు స్థానాల ఆధారంగా సౌర కాలమానం నమోదవుతుంది. ఈ నేపథ్యంలో సైన్స్‌ అండ్‌ మెజర్‌మెంట్‌ అధికారులు ఒక రోజులో లీప్‌ సెకన్‌ కలుపుతూ వచ్చారు. చివరిసారిగా 2016 లో లీప్‌ సెకన్‌ కలిపారు. అయితే, భూమి తిరగడం క్రమంగా నెమ్మదిస్తుండటం వలన ఇకపై లీప్‌ సెకన్‌ కలపాల్సిన అవసరం లేదని శాస్త్రవేత్తలు అభిప్రాయపడుతున్నారు.