realme C75 5G | భారీ బ్యాట‌రీ, దృఢ‌మైన క్వాలిటీతో వ‌చ్చిన రియ‌ల్‌మి లేటెస్ట్ బ‌డ్జెట్ స్మార్ట్ ఫోన్‌..!

5జి స్మార్ట్ ఫోన్‌ను కొనుగోలు చేయాలంటే గ‌తంలో ధ‌ర ఎక్కువ‌గా చెల్లించాల్సి వ‌చ్చేది. కానీ ఇప్పుడు టెలికాం కంపెనీల‌న్నీ 5జి సేవ‌ల‌ను అందిస్తుండ‌డంతో వినియోగ‌దారులు 5జి ని ఎక్కువ‌గా ఉప‌యోగిస్తున్నారు.

realme C75 5G | 5జి స్మార్ట్ ఫోన్‌ను కొనుగోలు చేయాలంటే గ‌తంలో ధ‌ర ఎక్కువ‌గా చెల్లించాల్సి వ‌చ్చేది. కానీ ఇప్పుడు టెలికాం కంపెనీల‌న్నీ 5జి సేవ‌ల‌ను అందిస్తుండ‌డంతో వినియోగ‌దారులు 5జి ని ఎక్కువ‌గా ఉప‌యోగిస్తున్నారు. దీంతో 5జి స్మార్ట్ ఫోన్ల‌ను కంపెనీలు చాలా త‌క్కువ ధ‌ర‌కే అందిస్తున్నాయి. అందులోనూ ప్ర‌స్తుతం ల‌భిస్తున్న ఫోన్ల‌లో అనేక ఆక‌ట్టుకునే ఫీచ‌ర్ల‌ను కూడా త‌క్కువ ధ‌ర ఉన్న ఫోన్ల‌లోనే అందిస్తున్నారు. దీంతో అలాంటి ఫోన్ల‌ను వాడేందుకు చాలా మంది ఆస‌క్తిని చూపిస్తున్నారు. అందులో భాగంగానే రియ‌ల్‌మి కూడా లేటెస్ట్‌గా ఓ బ‌డ్జెట్ స్మార్ట్ ఫోన్‌ను భార‌త మార్కెట్‌లో లాంచ్ చేసింది. రియల్‌మి సి75 5జి పేరిట లాంచ్ అయిన ఈ ఫోన్‌లో ప‌లు ఆక‌ట్టుకునే ఫీచ‌ర్ల‌ను అందిస్తున్నారు.

మిలిట‌రీ గ్రేడ్ నాణ్య‌త‌తో..

రియ‌ల్‌మి సి75 5జి స్మార్ట్ ఫోన్‌లో 6.67 ఇంచుల ఎల్‌సీడీ డిస్‌ప్లేను ఏర్పాటు చేయ‌గా దీనికి హెచ్‌డీ ప్ల‌స్ రిజ‌ల్యూష‌న్‌ను, 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే క్వాలిటీగా ఉంటుంది. అలాగే ఆక్టాకోర్ మీడియాటెక్ డైమెన్సిటీ 6300 ప్రాసెస‌ర్‌ను ఏర్పాటు చేశారు. 6జీబీ ర్యామ్ ల‌భిస్తుంది. మ‌రో 12 జీబీ వ‌ర‌కు ర్యామ్‌ను డైన‌మిక్‌గా పెంచుకునే అవ‌కాశం కల్పించారు. ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్ ఆధారంగా ప‌నిచేసే రియ‌ల్‌మి యూఐ 6.0ను అందిస్తున్నారు. వెనుక వైపు 32 మెగాపిక్స‌ల్ కెమెరా ఉండ‌గా, ముందు వైపు 8 మెగాపిక్స‌ల్ కెమెరాను ఏర్పాటు చేశారు. ఈ ఫోన్‌లో ఐపీ64 డ‌స్ట్‌, స్ల్పాష్ రెసిస్టెన్స్ ఫీచ‌ర్‌ను అందిస్తున్నారు. ప్ర‌త్యేకంగా ఆర్మ‌ర్ షెల్ ప్రొటెక్ష‌న్‌ను ఏర్పాటు చేశారు. అలాగే మిలిట‌రీ గ్రేడ్ నాణ్య‌త‌తో ఈ ఫోన్‌ను రూపొందించారు. క‌నుక ఫోన్ చాలా దృఢంగా ఉంటుంద‌ని కంపెనీ చెబుతోంది.

భారీ బ్యాట‌రీ..

ఈ ఫోన్‌లో 6000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేయ‌గా దీనికి 45 వాట్ల ఫాస్ట్ చార్జింగ్ ఫీచర్ ల‌భిస్తోంది. 4జీబీ, 6జీబీ ర్యామ్ ఆప్ష‌న్ల‌ను ఈ ఫోన్‌లో అందిస్తున్నారు. 128 జీబీ స్టోరేజ్ ల‌భిస్తుంది. మెమొరీని కార్డు ద్వారా 2 టీబీ వ‌ర‌కు పెంచుకోవ‌చ్చు. హైబ్రిడ్ డ్యుయ‌ల్ సిమ్ స్లాట్‌ను ఇచ్చారు. ఫింగ‌ర్ ప్రింట్ సెన్సార్ ప‌క్క భాగంలో ఉంటుంది. యూఎస్‌బీ టైప్ సి ఆడియోను ఈ ఫోన్ స‌పోర్ట్ చేస్తుంది. 5జి ని ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.3, యూఎస్‌బీ టైప్ సి వంటి అద‌న‌పు ఫీచ‌ర్లు కూడా ఈ ఫోన్‌లో ఉన్నాయి.

ధ‌ర వివ‌రాలు..

రియ‌ల్‌మి సి75 5జి స్మార్ట్ ఫోన్ లిలీ వైట్‌, మిడ్‌నైట్ లిలీ, ప‌ర్పుల్ బ్లాస‌మ్ క‌ల‌ర్ ఆప్ష‌న్లలో లాంచ్ అయింది. ఈ ఫోన్‌కు చెందిన 4జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర‌ను రూ.12,999గా నిర్ణ‌యించారు. 6జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర‌ను రూ.13,999గా నిర్ణ‌యించారు. రియ‌ల్‌మి ఆన్‌లైన్ స్టోర్‌తోపాటు ఫ్లిప్‌కార్ట్‌, అన్ని ఆఫ్ లైన్ స్టోర్స్‌లోనూ ఈ ఫోన్‌ను వినియోగ‌దారులు కొనుగోలు చేయ‌వ‌చ్చు. భారీ బ్యాట‌రీ, చ‌క్క‌ని బిల్డ్ క్వాలిటీ క‌లిగిన 5జి ఫోన్‌ను త‌క్కువ ధ‌ర‌కే కొనాల‌ని చూస్తున్న‌వారు ఈ ఫోన్‌ను తీసుకోవ‌చ్చ‌ని కంపెనీ చెబుతోంది.