POCO C85 5G | బ‌డ్జెట్ ధ‌ర‌లోనే అదిరిపోయే ఫీచ‌ర్ల‌తో లాంచ్ అయిన పోకో కొత్త స్మార్ట్ ఫోన్‌..!

షియోమీకి చెందిన స‌బ్ బ్రాండ్ పోకో కంపెనీ అదిరిపోయే ఫీచ‌ర్ల‌తో మరో నూత‌న స్మార్ట్ ఫోన్‌ను భార‌త మార్కెట్‌లో ప్ర‌వేశ‌పెట్టింది. సి85 5జి పేరిట పోకో కంపెనీ ఈ ఫోన్‌ను లాంచ్ చేసింది. సి సిరీస్‌లో పోకో నుంచి వ‌చ్చిన లేటెస్ట్ ఫోన్ ఇదే కావడం విశేషం.

POCO C85 5G | షియోమీకి చెందిన స‌బ్ బ్రాండ్ పోకో కంపెనీ అదిరిపోయే ఫీచ‌ర్ల‌తో మరో నూత‌న స్మార్ట్ ఫోన్‌ను భార‌త మార్కెట్‌లో ప్ర‌వేశ‌పెట్టింది. సి85 5జి పేరిట పోకో కంపెనీ ఈ ఫోన్‌ను లాంచ్ చేసింది. సి సిరీస్‌లో పోకో నుంచి వ‌చ్చిన లేటెస్ట్ ఫోన్ ఇదే కావడం విశేషం. ఇందులో 6.9 ఇంచుల డిస్‌ప్లేను ఏర్పాటు చేశారు. దీనికి హెచ్‌డీ ప్ల‌స్ రిజ‌ల్యూష‌న్‌ను, 120 హెడ్జ్ రిఫ్రెష్ రేట్‌ను అందిస్తున్నారు. క‌నుక డిస్‌ప్లే క్వాలిటీగా ఉంటుంద‌ని చెప్ప‌వ‌చ్చు. ఈ ఫోన్‌కు ముందు వైపు 8 మెగాపిక్స‌ల్ కెమెరాను ఏర్పాటు చేశారు. ఇది ముందు భాగంలో ఉన్న నాచ్‌లో అమ‌ర్చ‌బ‌డి ఉంటుంది. అలాగే ఈ ఫోన్‌లో మీడియాటెక్‌కు చెందిన డైమెన్సిటీ 6300 ఆక్టాకోర్ ప్రాసెస‌ర్‌ను ఏర్పాటు చేశారు. 8జీబీ వ‌ర‌కు ర్యామ్ ల‌భిస్తుంది. ర్యామ్‌ను అద‌నంగా మ‌రో 8జీబీ వ‌ర‌కు వ‌ర్చువ‌ల్‌గా పెంచుకునే వీలు క‌ల్పించారు. అందువ‌ల్ల ఫోన్ ఎలాంటి ల్యాగ్ లేకుండా ప‌నిచేస్తుంది.

భారీ బ్యాట‌రీ..

ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్ ఆధారిత షియోమీ హైప‌ర్ ఓఎస్2ను అందిస్తున్నారు. దీనికి గాను 2 ఏళ్ల వ‌ర‌కు సాఫ్ట్‌వేర్ అప్‌డేట్స్‌ను, 4 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. ఈ ఫోన్‌లో వెనుక వైపు 50 మెగాపిక్స‌ల్ మెయిన్ కెమెరా ఉండ‌గా, మ‌రో సెకండ‌రీ కెమెరాను సైతం ఏర్పాటు చేశారు. ఈ ఫోన్‌కు ఫింగ‌ర్ ప్రింట్ సెన్సార్ ప‌క్క భాగంలో ఉంటుంది. 6000 ఎంఏహెచ్ భారీ కెపాసిటీ ఉన్న బ్యాట‌రీని ఇందులో ఏర్పాటు చేశారు. దీనికి 33 వాట్ల ఫాస్ట్ చార్జింగ్‌కు స‌పోర్ట్‌ను అందిస్తున్నారు. అందువల్ల ఫోన్‌ను వేగంగా చార్జింగ్ చేసుకోవ‌చ్చు. కేవ‌లం 28 నిమిషాల‌లోనే 0 నుంచి 50 శాతం వ‌రకు చార్జింగ్ పూర్త‌వుతుంద‌ని కంపెనీ చెబుతోంది. అలాగే ఈ ఫోన్ 10 వాట్ల రివ‌ర్స్ వైర్డ్ చార్జింగ్‌కు సైతం స‌పోర్ట్‌ను అందిస్తుంది. అందువ‌ల్ల ఈ ఫోన్ స‌హాయంతో ఇత‌ర ఫోన్ల‌ను సైతం చార్జింగ్ చేసుకోవ‌చ్చు.

వాట‌ర్ అండ్ డ‌స్ట్ రెసిస్టెన్స్ కూడా..

ఈ ఫోన్‌ను 4జీబీ, 6జీబీ, 8జీబీ ర్యామ్‌, 128జీబీ స్టోరేజ్ ఆప్ష‌న్ల‌లో లాంచ్ చేశారు. మెమెరీని మైక్రో ఎస్‌డీ కార్డు ద్వారా 1టీబీ వ‌రకు పెంచుకునే స‌దుపాయం క‌ల్పించారు. డ్యుయ‌ల్ సిమ్‌ల‌తోపాటు మైక్రో ఎస్‌డీ కార్డును సైతం ఏక‌కాలంలో వేసుకోవ‌చ్చు. అందులో ఇందులో హైబ్రిడ్ స్లాట్ లేదు. 3.5 ఎంఎం ఆడియో జాక్‌ను అందిస్తున్నారు. ఎఫ్ఎం రేడియో కూడా లభిస్తుంది. ఐపీ64 డ‌స్ట్ అండ్ వాట‌ర్ రెసిస్టెంట్ ఫీచ‌ర్‌ను సైతం అందిస్తున్నారు. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ ఫీచ‌ర్ కూడా ఉంది. డ్యుయ‌ల్ బ్యాండ్ వైఫై, బ్లూటూత్ 5.4, యూఎస్‌బీ టైప్ సి వంటి అద‌న‌పు స‌దుపాయాల‌ను సైతం ఇందులో అందిస్తున్నారు.

ధ‌ర వివ‌రాలు..

పోకో సి85 5జి స్మార్ట్ ఫోన్‌ను మిస్టిక్ పర్పుల్‌, స్ప్రింగ్ గ్రీన్‌, ప‌వ‌ర్ బ్లాక్ క‌ల‌ర్ ఆప్ష‌న్ల‌లో లాంచ్ చేశారు. ఈ ఫోన్‌కు చెందిన 4జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.11,999 ఉండ‌గా, 6జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.12,999గా ఉంది. అలాగే 8జీబీ ర్యామ్‌, 128జీబీ స్టోరేజ్ టాప్ మోడ‌ల్ ధ‌ర రూ.14,499గా ఉంది. ఈ ఫోన్‌ను ఫ్లిప్‌కార్ట్‌లో డిసెంబ‌ర్ 16 నుంచి విక్ర‌యించ‌నున్నారు. లాంచింగ్ సంద‌ర్భంగా ప‌లు ఆఫ‌ర్ల‌ను సైతం అందిస్తున్నారు. ఈ ఫోన్‌ను హెచ్‌డీఎఫ్‌సీ, ఐసీఐసీఐ బ్యాంకు, ఎస్‌బీఐ కార్డుల‌తో కొనుగోలు చేస్తే రూ.1000 ఫ్లాట్ డిస్కౌంట్ ఇస్తారు. మ‌రో రూ.1000 అద‌న‌పు ఎక్స్ఛేంజ్ బోన‌స్‌ను పొంద‌వ‌చ్చు. 3 నెల‌ల వ‌ర‌కు నో కాస్ట్ ఈఎంఐ స‌దుపాయాన్ని సైతం దీనిపై అందిస్తున్నారు.