న్యూఢిల్లీ : వన్ప్లస్ నార్డ్ సీఈ 3 లైట్ (OnePlus Nord CE 3 Lite) ఏప్రిల్లో మార్కెట్లోకి ఎంట్రీ ఇవ్వనుంది. ఏప్రిల్ 4న ఈ మిడ్ రేంజ్ 5జీ స్మార్ట్ఫోన్ లాంఛ్ కానుండగా లేటెస్ట్ వన్ప్లస్ స్మార్ట్ఫోన్ ఫీచర్లు వెల్లడయ్యాయి. ఐఎండీఏ సర్టిఫికేషన్ వెబ్సైట్తో పాటు గీక్బెంచ్ డేటాబేస్లోనూ ఈ స్మార్ట్ఫోన్ వివరాలు లిస్టయ్యాయి. వన్ప్లస్ నార్డ్ సీఈ 3 లైట్ క్వాల్కాం స్నాప్డ్రాగన్ 695 ఎస్ఓసీ చిప్సెట్తో కస్టమర్ల ముందుకు రానుంది.
నార్డ్ సీఈ లైట్ సిరీస్ను రూ. 20,000లోపు బడ్జెట్ స్మార్ట్ఫోన్ కస్టమర్ల టార్గెట్గా తీసుకురానుండగా లేటెస్ట్ వెర్షన్ కూడా ఇదే ధరల శ్రేణిలో ఉండే అవకాశం ఉంది. గీక్బెంచ్ లిస్టింగ్ ప్రకారం వన్ప్లస్ నార్డ్ సీఈ 3 లైట్ ఆండ్రాయిడ్ 13 ఓఎస్ అవుటాఫ్ ది బాక్స్పై రన్ అవుతుంది. ఈ స్మార్ట్ఫోన్ 8జీబీ ర్యాం ఆప్షన్నూ ఆఫర్ చేస్తుంది. ఈ స్మార్ట్ఫోన్ ఎఫ్హెచ్డీ+ రిజల్యూషన్లో 6.7 ఇంచ్ డిస్ప్లేతో రానుంది.
ఇక వన్ప్లస్ నార్డ్ సీఈ 3 లైట్ వెనుకభాగంలో 108 ఎంపీ కెమెరా ఆకట్టుకోనుంది. ప్రైమరీ కెమెరాతో పాటు రెండు 2 ఎంపీ సెన్సర్లు ఉంటాయి. లేటెస్ట్ వన్ప్లస్ స్మార్ట్ఫోన్ 67డబ్ల్యూ ఫాస్ట్చార్జింగ్ సపోర్ట్తో 5000ఎంఏహెచ్ బ్యాటరీ సామర్ధ్యం కలిగిఉంది. రూ. 20,000లోపు బడ్జెట్ స్మార్ట్ఫోన్లో ఈ స్ధాయి బ్యాటరీ సామర్ధ్యం అరుదుగా కనిపిస్తుంది. ఇక ఈ స్మార్ట్ఫోన్ భారత్ మార్కెట్లో లాంఛ్ అవుతుందా లేదా అనే వివరాలపై కంపెనీ ఇంకా స్పష్టత ఇవ్వాల్సి ఉంది.
Read More :