Nokia T20 : నోకియా నుంచి అద్భుత‌మైన ఫీచ‌ర్ల‌తో ట్యాబ్.. ధ‌ర కూడా త‌క్కువే

నోకియా నుంచి అద్భుత‌మైన ఫీచ‌ర్ల‌తో ట్యాబ్ | ప్ర‌ముఖ స్మార్ట్‌ఫోన్ కంపెనీ నోకియా బ్రాండ్ హెఎండీ గ్లోబ‌ల్(HMD Global) నుంచి తొలి

November 1, 2021 / 05:29 PM IST

Nokia T20 : నోకియా నుంచి అద్భుత‌మైన ఫీచ‌ర్ల‌తో ట్యాబ్.. ధ‌ర కూడా త‌క్కువే

ప్ర‌ముఖ స్మార్ట్‌ఫోన్ కంపెనీ నోకియా బ్రాండ్ హెఎండీ గ్లోబ‌ల్(HMD Global) నుంచి తొలి ఆండ్రాయిడ్ ట్యాబ్లెట్ విడుద‌లైంది. ఈ ట్యాబ్లెట్‌లో బెస్ట్ ఫీచ‌ర్లు ఉన్నాయి. 2కే డిస్‌ప్లే, 8200 ఎంఏహెచ్ బ్యాట‌రీ లాంటి అద్భుత‌మైన ఫీచ‌ర్లతో నోకియా టీ20 ట్యాబ్‌ను తాజాగా భార‌త మార్కెట్‌లో విడుద‌ల చేశారు. స్టీరియో స్పీక‌ర్స్‌, డ్యుయ‌ల్ మైక్రోఫోన్స్‌తో పాటు 2 సంవ‌త్స‌రాల వ‌ర‌కు ఫ్రీ ఓఎస్ అప్‌గ్రేడ్స్, 3 ఏళ్ల వ‌ర‌కు ఉచితంగా సెక్యూరిటీ అప్‌డేట్స్ అందుతాయి.

ఇప్ప‌టికే మార్కెట్‌లోకి రియ‌ల్‌మీ పాడ్ రిలీజ్ అయింది. సెప్టెంబ‌ర్‌లో రిలీజ్ అయిన రియ‌ల్‌మీ పాడ్ ప్రారంభ ధ‌ర రూ.13,999. దానికి పోటీగా నోకియా టీ20 ట్యాబ్లెట్‌ను లాంచ్ చేసింది.
వైఫై వేరియంట్, 3 జీబీ ర్యామ్ ప్ల‌స్ 32 జీబీ స్టోరేజ్ ఆప్ష‌న్ ఉన్న నోకియా టీ20 ట్యాబ్లెట్ ధ‌ర రూ.15,499. అదే 4 జీబీ ప్ల‌స్ 32 జీబీ వేరియంట్ ధ‌ర రూ.16,499. 4 జీ మోడ‌ల్ ధ‌ర రూ.18,499.

నోకియా అఫిషియ‌ల్ వెబ్‌సైట్‌, ఇత‌ర ఆఫ్‌లైన్ రిటైల్ స్టోర్స్‌లో ఈరోజు నుంచి అంటే నవంబ‌ర్ 1 నుంచి నోకియా టీ20ని కొనుగోలు చేయొచ్చు. ఫ్లిప్‌కార్ట్‌లో 2 న‌వంబ‌ర్ నుంచి సేల్స్‌ ప్రారంభం అవుతాయి.

పైన చెప్పిన ఫీచ‌ర్ల‌తో పాటు.. ఆక్టా కోర్ యూనిసెక్ టీ610 ఎస్‌వోసీ ప్రాసెస‌ర్‌, 5 ఎంపీ సెల్ఫీ కెమెరా, 8 ఎంపీ కెమెరా సెన్సార్, ఎల్ఈడీ ఫ్లాష్, 4జీ ఎల్‌టీఈ, వైఫై 802.11 ఏసీ, బ్లూటూత్ వీ5.0, యూఎస్‌బీ టైప్ సీ, 3.5 ఎంఎం హెడ్‌ఫోన్ జాక్ లాంటి ఫీచ‌ర్లు నోకియా టీ20లో ఉన్నాయి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి