Nokia G22 | మార్కెట్‌లోకి నోకియా జీ22.. ధ‌ర రూ.15,700 మాత్రమే.. ఇవీ ఫీచ‌ర్లు!

Nokia G22 | `ఐఫిక్సిట్‌`తో క‌లిసి హెచ్ఎండీ గ్లోబ‌ల్ మార్కెట్‌లోకి నోకియా జీ22 స్మార్ట్ ఫోన్ తీసుకొచ్చింది. దీని ధ‌ర రూ.15,700 ఉండొచ్చు.

Nokia G22 | ఫిన్లాండ్ మొబైల్ ఫోన్ త‌యారీ సంస్థ హెచ్ఎండీ గ్లోబ‌ల్.. ఐఫిక్సిట్‌తో క‌లిసి నోకియా జీ22 స్మార్ట్ ఫోన్ ఆవిష్క‌రించింది. వారంటీ పీరియ‌డ్ దాటిన త‌ర్వాత డిస్‌ప్లే దెబ్బ తిన్నా, చార్జింగ్ పోర్ట్ వంగిపోయినా, బ్యాట‌రీ ప‌ని చేయ‌క‌పోయినా రీప్లేస్ చేస్తారు. త‌క్కువ ధ‌ర‌కే విడి భాగాల రీప్లేస్‌మెంట్ చేస్తుంది. రెండు వేరియంట్ల‌లో నోకియా జీ22 వ‌స్తున్న‌ది. 6 జీబీ రామ్ (4జీబీ +2జీబీ వ‌ర్చువ‌ల్ రామ్‌)తోపాటు 64 జీబీ ఇంట‌ర్న‌ల్ స్టోరేజీ కెపాసిటీతో నోకియా జీ22 వ‌స్తోంది. 128 జీబీ ఇంట‌ర్న‌ల్ స్టోరేజీ సామ‌ర్థ్యంతో కూడా వ‌స్తున్న‌ది. దీని ధ‌ర 179 యూరోలు (దాదాపు రూ.15,700). మార్చి 8 నుంచి బ్రిట‌న్‌తోపాటు ఎంపిక చేసిన‌ యూరోపియ‌న్ యూనియ‌న్ మార్కెట్ల‌లో ల‌భిస్తుంది. భార‌త్‌లో ఎప్ప‌టి నుంచి అందుబాటులో ఉంటుంద‌న్న సంగ‌తి వెల్ల‌డించ‌లేదు.

ఇవీ నోకియా జీ22 స్పెషిఫికేష‌న్స్‌..

• రెండు క‌ల‌ర్ వేరియంట్స్ – మీటోర్ గ్రే, లాగూన్ బ్లూ.

• డ్యుయ‌ల్ సిమ్ స‌పోర్టెడ్‌తోపాటు ఆండ్రాయిడ్ 12 ఓఎస్‌పై ప‌ని చేస్తుంది.

• 6.52-అంగుళాల హెచ్డీడీ + (720 x 1,200 రిజొల్యూష‌న్‌) విత్ 90 హెర్ట్జ్ రీఫ్రెష్ రేట్‌.

• 500 నిట్స్ బ్రైట్‌నెస్ అండ్ కార్నింగ్ గొరిల్లా గ్లాస్-3 ప్రొటెక్ష‌న్‌, యూనీసోక్ టీ 606 చిప్‌సెట్‌.

• నాన్ రిమూవ‌బుల్ 5050 ఎంఏహెచ్ బ్యాట‌రీ సామ‌ర్థ్యం.

• మూడు రోజుల బ్యాట‌రీ లైఫ్ విత్ 20 వాట్స్ చార్జింగ్ పోర్ట్‌.

ట్రిపుల్‌రేర్ కెమెరా సెట‌ప్‌

• ప్రైమ‌రీ 50 మెగా పిక్సెల్ సెన్స‌ర్‌.

• 2-మెగా పిక్సెల్ డెప్త్ సెన్స‌ర్‌.

• 2-మెగా పిక్సెల్ మాక్రో లెన్స్ విత్ రేర్ ఫ్లాష్ ఎల్ఈడీ.

• ఫ్రంట్‌లో 8-మెగా పిక్సెల్ సెన్స‌ర్ కెమెరా- సెంట్ర‌ల్లీ అలైన్డ్ టియ‌ర్ డ్రాప్ క‌టౌట్ @ టాప్ ఆఫ్ డిస్‌ప్లే.

• వై-ఫై 802.1 ఏ/బీ/జీ/ఎన్‌/ఏసీ, జీపీఎస్ అండ్ బ్లూటూత్ వీ 5.0 క‌నెక్టివిటీ.

• యూఎస్బీ టైప్‌-సీ పోర్ట్ విత్‌ ఎన్ఎఫ్‌సీ స‌పోర్ట్ అండ్ 3.5 ఎంఎం హెడ్ ఫోన్ జాక్‌.

• యాక్సిలోమీట‌ర్‌, అంబియెంట్ లైట్ సెన్స‌ర్‌, ప్రాక్సిమిటీ సెన్సార్‌. ఓజో ప్లేబ్యాక్ ఫీచ‌ర్ విత్ ఏ బిల్ట్-ఇన్ స్పీక‌ర్ అండ్ వైర్డ్ హెడ్‌ఫోన్స్‌.