Lenovo Idea Tab | భారీ బ్యాటరీ, 5జి, ఏఐ ఫీచర్లతో లాంచ్ అయిన లెనోవో కొత్త ట్యాబ్.. ధర కూడా తక్కువే..!
తక్కువ ధరలోనే ఆకట్టుకునే ఫీచర్లు 5జి సదుపాయం కలిగిన ట్యాబ్ కోసం చూస్తున్నారా..? అయితే మీ కోసమే లెనోవో ఓ నూతన ట్యాబ్ను లాంచ్ చేసింది. ఐడియా ట్యాబ్ పేరిట ఓ నూతన ఆండ్రాయిడ్ ట్యాబ్ను భారత మార్కెట్లో ప్రవేశపెట్టింది.
Lenovo Idea Tab | తక్కువ ధరలోనే ఆకట్టుకునే ఫీచర్లు 5జి సదుపాయం కలిగిన ట్యాబ్ కోసం చూస్తున్నారా..? అయితే మీ కోసమే లెనోవో ఓ నూతన ట్యాబ్ను లాంచ్ చేసింది. ఐడియా ట్యాబ్ పేరిట ఓ నూతన ఆండ్రాయిడ్ ట్యాబ్ను భారత మార్కెట్లో ప్రవేశపెట్టింది. ఇందులో ఆకట్టుకునే ఫీచర్లను అందించడంతోపాటు ధర కూడా తక్కువగానే ఉండడం విశేషం. ఈ ట్యాబ్లో 11 ఇంచుల డిస్ప్లే ఉండగా దీనికి 2.5కె రిజల్యూషన్ను అందిస్తున్నారు. అందువల్ల డిస్ప్లే క్వాలిటీగా ఉంటుంది. అద్భుతమైన దృశ్యాలను వీక్షించవచ్చు. ఈ ట్యాబ్లో మీడియాటెక్ డైమెన్సిటీ 6300 ఆక్టాకోర్ ప్రాసెసర్ను ఏర్పాటు చేశారు. 8జీబీ వరకు ర్యామ్ లభిస్తుంది. 256జీబీ స్టోరేజ్ను అందిస్తున్నారు. ఆండ్రాయిడ్ 15 ఆపరేటింగ్ సిస్టమ్ ఆధారంగా ఈ ట్యాబ్ పనిచేస్తుంది. దీనికి గాను 2 ఓఎస్ అప్గ్రేడ్లను, 4 ఏళ్ల వరకు సెక్యూరిటీ అప్డేట్స్ను అందించనున్నట్లు కంపెనీ చెబుతోంది.
5జి, వైఫై వేరియెంట్లు..
లెనోవో ఐడియా ట్యాబ్లో 5జి, వైఫై వేరియెంట్లను అందిస్తున్నారు. 5జి అవసరం లేదనుకుంటే వైఫై వేరియెంట్ను కొనుగోలు చేయవచ్చు. అదే 5జి వేరియెంట్ను తీసుకుంటే సిమ్ వేసుకుని 5జి సేవలను పొందవచ్చు. ఈ ట్యాబ్కు గాను ఫోలియో కీబోర్డును అందిస్తున్నారు. అవసరం అనుకుంటే వినియోగదారులు దాన్ని కూడా కొనుగోలు చేయవచ్చు. అలాగే ట్యాబ్కు ఓ స్టైలస్ను కూడా ఇస్తున్నారు. దీని సహాయంతో ట్యాబ్ ను ఉపయోగించడం చాలా సులభతరం అవుతుంది. ఈ ట్యాబ్లో టర్బో సిస్టమ్ టెక్ను అందిస్తున్నారు. అందువల్ల గతంలో వచ్చిన లెనోవో ట్యాబ్లతో పోలిస్తే ఈ ట్యాబ్ 19 శాతం వేగంగా పనిచేస్తుందని, దీని వల్ల యాప్లు, గేమ్లను చాలా వేగంగా ఓపెన్ చేయవచ్చని, ఎలాంటి ల్యాగ్ కూడా ఉండదని కంపెనీ చెబుతోంది. ట్యాబ్ను వేగంగా ఆపరేట్ చేసుకోవచ్చని తెలియజేసింది.
భారీ బ్యాటరీ..
ఈ ట్యాబ్లో డాల్బ అట్మోస్ ఫీచర్ కూడా ఉంది. అందువల్ల సౌండ్ క్వాలిటీ చాలా అద్భుతంగా ఉంటుంది. నాణ్యమైన ఆడియోను వినవచ్చు. అలాగే 7040 ఎంఏహెచ్ భారీ కెపాసిటీ ఉన్న బ్యాటరీని ఏర్పాటు చేశారు. ఈ ట్యాబ్లో పలు ఏఐ ఫీచర్లను సైతం అందిస్తున్నారు. లెనోవో ఏఐ నోట్, సర్కిల్ టు సెర్చ్ వంటి ఏఐ ఫీచర్లను యూజర్లు పొందవచ్చు. ఈ ట్యాబ్లో స్టోరేజ్ను మెమొరీ కార్డు ద్వారా 2 టీబీ వరకు పెంచుకోవచ్చు. వెనుక వైపు 8 మెగాపిక్సల్ కెమెరాను ఏర్పాటు చేయగా, ముందు వైపు 5 మెగాపిక్సల్ కెమెరా ఉంది. 3.5ఎంఎం ఆడియో జాక్ కూడా ఉంది. 5జి సేవలను పొందవచ్చు. 4జీ ఎల్టీఈ కూడా లభిస్తుంది. డ్యుయల్ బ్యాండ్ వైఫై, బ్లూటూత్ 5.2, యూఎస్బీ టైప్ సి వంటి అదనపు ఫీచర్లను సైతం ఈ ట్యాబ్ లో అందిస్తున్నారు.
ధర వివరాలు..
లెనోవో ఐడియా ట్యాబ్కు చెందిన వైఫై (విత్ పెన్) వేరియెంట్ ధర రూ.16,999 ఉండగా, 5జి (విత్ పెన్) వేరియెంట్ ధర రూ.19,999గా ఉంది. లెనోవో ఇండియా ఆన్లైన్ స్టోర్తోపాటు అమెజాన్, ఇతర ఆఫ్లైన్ స్టోర్స్లో వినియోగదారులు ఈ ట్యాబ్ను కొనుగోలు చేయవచ్చు.
Read Today's Latest Science-technology News in Telugu and Telugu News
RELATED ARTICLES
తాజా వార్తలు
Motivational Story | పొలంలో ముల్లు గుచ్చుకుంటే ఆగలేదు.. అడవిలో పాములను చూసి ఎందుకు భయపడ్డాడు?.
Ant Story | ఓ చిన్న చీమ చెప్పిన గొప్ప జీవిత పాఠం.. ఖురాన్లో ప్రస్తావించిన అద్భుత కథ
Karthika Masam | కార్తిక మాసాన్ని హరిహర మాసం అని ఎందుకంటారు? దీపారాధన నుంచి తులసీ పూజ వరకు ప్రతి ఆచారం వెనుక ఉన్న రహస్యం ఇదే!
Bigg Boss 10 | హైపర్ ఆది పంచులతో హౌస్లో నవ్వుల సందడి.. శ్వేత ఎలిమినేట్,అమన్ ఎమోషనల్!
SIR Voter List | ఓటర్లకు ఈసీ భారీ ఊరట.. ఫామ్-6 దాఖలు చేస్తే కేసులు పెట్టరు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

