Visit:
Lava Blaze Amoled 2 | బ‌డ్జెట్ ధ‌ర‌లోనే ఆక‌ట్టుకునే ఫీచర్లను అందిస్తున్న 5జి స్మార్ట్ ఫోన్ కోసం చూస్తున్నారా..? అయితే మీ కోస‌మే లావా మొబైల్స్ ఓ నూత‌న స్మార్ట్ ఫోన్‌ను లాంచ్ చేసింది. బ్లేజ్ అమోలెడ్ 2 పేరిట ఓ నూత‌న స్మార్ట్ ఫోన్‌ను భార‌త మార్కెట్‌లో ప్ర‌వేశ‌పెట్టింది. ఇందులో ఆక‌ట్టుకునే ఫీచర్లను అందించ‌డంతోపాటు ధ‌ర కూడా త‌క్కువ‌గానే ఉండ‌డం విశేషం. ఈ ఫోన్‌లో 6.67 ఇంచుల అమోలెడ్ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల ఫోన్ డిస్‌ప్లే చాలా క్వాలిటీగా ఉంటుంద‌ని చెప్ప‌వ‌చ్చు. అద్భుత‌మైన దృశ్యాల‌ను వీక్షించ‌వ‌చ్చు. ఇందులో మీడియాటెక్ డైమెన్సిటీ 7060 ప్రాసెస‌ర్‌ను ఏర్పాటు చేశారు. 6జీబీ ర్యామ్‌ను అందిస్తున్నారు.
ఈ ఫోన్‌లో వెనుక వైపు 50 మెగాపిక్స‌ల్ కెమెరాను ఏర్పాటు చేయ‌గా, ముందు భాగంలో 8 మెగాపిక్స‌ల్ కెమెరాను అందిస్తున్నారు. ఈ ఫోన్ అత్యంత ప‌లుచ‌గా చాలా స్లిమ్ డిజైన్‌లో ఉంటుంది. కేవ‌లం 7.55 ఎంఎం మందాన్ని మాత్ర‌మే క‌లిగి ఉంటుంది. ఈ ఫోన్‌లో 5000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. 33 వాట్ల ఫాస్ట్ చార్జింగ్ స‌దుపాయాన్ని దీనికి అందిస్తున్నారు. అందువ‌ల్ల ఫోన్‌ను వేగంగా చార్జింగ్ చేసుకోవ‌చ్చు. ఈ ఫోన్‌లో క్లీన్ ఆండ్రాయిడ్ 15 ఆప‌రేటింగ్ సిస్ట‌మ్‌ను ఎలాంటి బ్లోట్‌వేర్ లేకుండా అందిస్తున్న‌ట్లు కంపెనీ తెలియ‌జేసింది. అందువ‌ల్ల యూజ‌ర్లు అద్భుత‌మైన ఆండ్రాయిడ్ ఎక్స్‌పీరియెన్స్‌ను పొంద‌వ‌చ్చు. ఈ ఫోన్‌కు గాను 1 ఆండ్రాయిడ్ అప్‌గ్రేడ్‌ను, 2 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తున్న‌ట్లు కంపెనీ తెలియ‌జేసింది.
ఈ ఫోన్‌లో 6జీబీ ర్యామ్‌ను, 128జీబీ స్టోరేజ్‌ను అందిస్తున్నారు. మైక్రో ఎస్‌డీ కార్డు ద్వారా స్టోరేజ్‌ను పెంచుకోవ‌చ్చు. డ్యుయ‌ల్ సిమ్‌ను వేసుకోవచ్చు. ఇన్ డిస్‌ప్లే ఫింగ‌ర్ ప్రింట్ సెన్సార్ ల‌భిస్తుంది. ఐపీ64 డ‌స్ట్ అండ్ స్ల్పాష్ రెసిస్టెంట్ ఫీచ‌ర్‌ను ఏర్పాటు చేశారు. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ కూడా ల‌భిస్తుంది. డ్యుయ‌ల్ బ్యాండ్ వైఫై, బ్లూటూత్ 5.3, యూఎస్‌బీ టైప్ సి వంటి అద‌న‌పు ఫీచర్లను సైతం ఇందులో అందిస్తున్నారు.
లావా బ్లేజ్ అమోలెడ్ 2 స్మార్ట్ ఫోన్‌ను మిడ్‌నైట్ బ్లాక్, వైట్ ఫెద‌ర్ క‌లర్ ఆప్ష‌న్ల‌లో లాంచ్ చేయ‌గా, ఈ ఫోన్‌కు చెందిన 6జీబీ ర్యామ్‌, 128జీబీ స్టోరేజ్ మోడ‌ల్‌ను రూ.13,499 ధ‌ర‌కు అందిస్తున్నారు. ఈ ఫోన్‌ను అమెజాన్‌తోపాటు లావా రిటెయిల్ ఔట్‌లెట్స్‌, ఇత‌ర ఆఫ్‌లైన్ స్టోర్స్‌లో ఆగ‌స్టు 16 నుంచి విక్ర‌యించ‌నున్నారు.
