IND vs WI | ఇద్ద‌రివీ అర్ధ‌సెంచ‌రీలు పూర్తి.. కొన‌సాగుతున్న విండీస్ ఓపెన‌ర్ల దూకుడు..!

IND vs WI | భార‌త్‌ (India) తో జ‌రుగుతున్న తొలి వ‌న్డేలో విండీస్ ఓపెన‌ర్ల (Windies Openers) దూకుడు కొన‌సాగుతున్న‌ది. అల‌వోక‌గా భారీ షాట్‌లు ఆడుతూ ఒపెన‌ర్‌లు జాన్ కాంప్‌బెల్ (John Campbell), జ‌స్టిన్ గ్రీవ్స్‌ (Justin Greavs) ప‌రుగుల వ‌ర‌ద పారిస్తున్నారు.

IND vs WI : భార‌త్‌ (India) తో జ‌రుగుతున్న తొలి వ‌న్డేలో విండీస్ ఓపెన‌ర్ల (Windies Openers) దూకుడు కొన‌సాగుతున్న‌ది. అల‌వోక‌గా భారీ షాట్‌లు ఆడుతూ ఒపెన‌ర్‌లు జాన్ కాంప్‌బెల్ (John Campbell), జ‌స్టిన్ గ్రీవ్స్‌ (Justin Greavs) ప‌రుగుల వ‌ర‌ద పారిస్తున్నారు. 17 ఓవ‌ర్ల ఆట ముగిసే స‌మ‌యానికి జాన్ కాంప్‌బెల్ 50 ప‌రుగుల‌తో, జ‌స్టిన్ గ్రీవ్స్ 61 ప‌రుగుల‌తో ఆజేయంగా ఉన్నారు. జ‌ట్టు స్కోర్ 117/0 ప‌రుగుల‌కు చేరింది.

విండీస్ ఓపెన‌ర్లు ఇద్ద‌రూ క‌లిసి కేవ‌లం 100 బంతుల్లోనే 117 ప‌రుగుల భాగ‌స్వామ్యాన్ని నెల‌కొల్పారు. ఈ ఇద్ద‌రి పార్ట్‌న‌ర్‌షిప్‌ను బ్రేక్ చేసేందుకు భార‌త కెప్టెన్ శుభ్‌మాన్ గిల్ బౌల‌ర్ల‌ను మార్చిమార్చి ప్ర‌యోగించినా ఫ‌లితం లేకుండా పోయింది. ప్ర‌సిధ్ కృష్ణ మిన‌హా మిగ‌తా బౌల‌ర్లంతా ధారాళంగా పరుగులు స‌మ‌ర్పించుకున్నారు. కాగా, మ్యాచ్‌కు ముందు టాస్ గెలిచిన భార‌త జ‌ట్టు కెప్టెన్ శుభ్‌మాన్ గిల్ బౌలింగ్ ఎంచుకున్నాడు. ప్ర‌త్య‌ర్థి టీమ్‌కు బ్యాటింగ్ అప్ప‌గించాడు.