New cool fabric : ఈ పట్టు వస్త్రం.. గాలి కంటే చల్లగా ఉంచుతుంది.. చైనా శాస్త్రవేత్తల సృష్టి

New cool fabric : ప్రపంచంలోని మొట్టమొదటి అతి చల్లగా ఉంచే పట్టు వస్త్రాన్ని జపాన్‌కు చెందిన శాస్త్రవేత్తలు కనిపెట్టారు. ఈ వస్త్రం పత్తి కంటే చల్లగా ఉంచుతుంది. వేసవిలో ఉష్ణోగ్రతను...

November 10, 2021 / 08:39 PM IST

New cool fabric : ఈ పట్టు వస్త్రం.. గాలి కంటే చల్లగా ఉంచుతుంది.. చైనా శాస్త్రవేత్తల సృష్టి

(New cool fabric) ప్రపంచంలోని మొట్టమొదటి అతి చల్లగా ఉంచే పట్టు వస్త్రాన్ని చైనాకు చెందిన శాస్త్రవేత్తలు కనిపెట్టారు. ఈ వస్త్రం పత్తి కంటే చల్లగా ఉంచుతుంది. వేసవిలో ఉష్ణోగ్రతను 12.5 డిగ్రీలను తగ్గిస్తుందని పరిశోధకులు సెలవిస్తున్నారు. ఇది కచ్చితంగా వేసవి నుంచి ఉపశమనం కలిగిస్తుందని దీమాగా చెప్తున్నారు.

ఈ ఫ్యాబ్రిక్‌ను చైనాలోని నాన్‌జింగ్ యూనివర్సిటీ పరిశోధకులు, స్టాన్‌ఫోర్డ్ యూనివర్సిటీకి చెందిన షాన్‌హుయ్ ఫ్యాన్ సంయుక్తంగా తయారు చేశారు. వేసవి కాలంలో బయటకు వెళ్లినప్పుడు శరీరాన్ని చల్లగా ఉంచేలా ఈ ఫ్యాబ్రిక్‌ని డిజైన్ చేసినట్టు పరిశోధకులు చెప్తున్నారు.

ఈ కొత్త పట్టు వస్త్రం సాయంతో విద్యుత్ డిమాండ్‌ను కొంతమేర తగ్గించుకోవచ్చు. దీని వల్ల కరెంటు లేకుండానే శరీరాన్ని చల్లగా ఉంచుకొనే వీలుంటుంది. సూర్యకిరణాలు 95 శాతం వరకు ప్రతిబింబించేలా ఈ ఫ్యాబ్రిక్‌ను తయారు చేసినట్టు పరిశోధకులు చెప్తున్నారు. వీరి పరిశోధన ప్రకారం, ఈ వస్త్రం సూర్యకిరణాలను ఎక్కువగా ప్రతిబింబించేలా చేస్తుంది. అలాగే అతి తక్కువగా వేడిని గ్రహిస్తుంది. సూర్యకాంతి ప్రభావాల నుంచి ఈ ఫ్యాబ్రిక్‌ మన శరీరాన్ని కాపాడటమే కాకుండా, చల్లగా ఉంచుతుంది.

గాలి కంటే చల్లగా..

ఈ పట్టు వస్త్రాన్ని ఎండలో పరీక్షించినప్పుడు, చుట్టుపక్కల గాలి కంటే ఇది 3.5 శాతం వరకు చల్లగా ఉన్నట్టు పరిశోధకులు గుర్తించారు. గాలి కంటే చల్లగా ఉండే ఇలాంటి ఫ్యాబ్రిక్ ప్రపంచంలో ఇదే మొదటిదని పరిశోధకులు చెప్తున్నారు.

పరిశోధన నివేదిక ప్రకారం, ఈ ఫ్యాబ్రిక్‌లో అల్యూమినియం ఆక్సైడ్ నానో పార్టికల్స్ కలిపారు. ఇది అతినీలలోహిత కిరణాలను ప్రతిబింబించేలా చేసి శరీరం నుంచి దూరంగా ఉంచుతుంది. ఈ ప్రత్యేక రకం పట్టు వస్త్రాన్ని ధరించి 40 డిగ్రీల సెల్సియస్ ఎండలో నిలబడితే, అది 32 డిగ్రీల సెల్సియస్ ఉష్ణోగ్రత అనుభూతిని కలిగిస్తుందని పరిశోధకులు చెప్తున్నారు.