Earth | భూమిపైకి నీరు ఎలా వచ్చింది?.. శాస్త్రవేత్తలు ఏం చెప్తున్నారంటే..

భూమిపై నీళ్లు ఉండటం వల్లనే ఇన్ని కోట్ల ప్రాణులు జన్మించాయని చెప్తారు. అందుకే నివాసయోగ్యమైన గ్రహాలను వెతికే సమయంలో కూడా ఆయా గ్రహాలపై నీరు ఉండే అవకాశం ఉందా? అనే పరిశోధనలు చేస్తుంటారు శాస్త్రవేత్తలు. అయితే అసలు భూమిపైకి నీరు ఎలా వచ్చింది? అని ఎప్పుడైనా ఆలోచించారా? ఈ ప్రశ్నకు జపాన్‌కు చెందిన ఒక అధ్యయనం షాకింగ్ సమాధానం చెప్పింది.

వందల కోట్ల సంవత్సరాల క్రితం భూమిపై పడిన ఆస్టరాయిడ్ ద్వారా నీరు ఇక్కడకు వచ్చి ఉండొచ్చని జపనీస్ పరిశోధకులు అంటున్నారు. ర్యూగు అనే ఆస్ట్రరాయిడ్ వల్లనే నీరు భూమిపైకి వచ్చిందని వెల్లడించారు. ‘‘త్వరగా ఆవిరయ్యే స్వభావం ఉండే వొలటైల్, ఆర్గానిక్ భరిత సి-టైప్ ఆస్టరాయిడ్స్ వల్లనే భూమిపై నీరు ఏర్పడి ఉండొచ్చు’’ అని ఈ అధ్యయనం పేర్కొంది.

అయితే ఇలా ఆస్టరాయిడ్స్ ద్వారానే ఈ ఆవిరయ్యే పదార్థాలు చేరాయని వందశాతం చెప్పలేమని, దీనిపై మరింత పరిశోధనలు అవసరమని శాస్త్రవేత్తలు అభిప్రాయపడ్డారు.