కిరణ్ అబ్బవరం, ప్రియాంక జవాల్కర్ జంటగా నటిస్తున్న చిత్రం ‘ఎస్ఆర్ కల్యాణమండపం’. ప్రమోద్, రాజు నిర్మిస్తున్నారు. శ్రీధర్ గాదే దర్శకుడు. ఈ సినిమాలోని ‘సిగ్గెందుకు రా మావ’ అనే పల్లవితో సాగే గీతాన్ని దర్శకుడు సుకుమార్ మంగళవారం విడుదలచేశారు. భాస్కరభట్ల సాహిత్యాన్ని అందించిన ఈ గీతాన్ని అనురాగ్ కులకర్ణి ఆలపించారు. చైతన్ భరద్వాజ్ సంగీతాన్ని సమకూర్చారు. నిర్మాతలు మాట్లాడుతూ ‘రాయలసీమ బ్యాక్డ్రాప్లో సాగే వినోదాత్మక ప్రేమకథ చిత్రమిది. 1975లో ప్రారంభమైన ఎస్ఆర్ కల్యాణమండపంతో ఓ ప్రేమజంటకు ఉన్న సంబంధమేమిటన్నది ఆసక్తికరంగా ఉంటుంది. కిరణ్ అబ్బవరం నటనతో పాటు అతడు అందించిన కథ, స్క్రీన్ప్లే, సంభాషణలు సినిమాకు ప్రధానాకర్షణగా నిలుస్తాయి. పరిస్థితులు చక్కబడిన తర్వాత థియేటర్లలో సినిమాను విడుదలచేస్తాం’ అని తెలిపారు. సాయికుమార్ కీలక పాత్రను పోషిస్తున్న ఈ చిత్రానికి కెమెరా: విశ్వాస్ డేనియల్.