ఫేస్బుక్ మరో అడుగు ముందుకు వేసింది. చిన్న వ్యాపారులకు అండగా ఉండేందుకు ఫేస్బుక్ ఓ ప్రోగ్రామ్ను ప్రారంభించింది. ఈ ప్రోగ్రామ్ను ఫేస్బుక్ ఇండియాలో లాంచ్ చేసింది. దాని పేరు Small Business Loans Initiative. ఈ ప్రోగ్రామ్ ద్వారా ఫేస్బుక్లో అడ్వర్టైజ్ చేస్తున్న చిన్న, మధ్యతరహా వ్యాపారాలకు పెట్టుబడికి సంబంధించిన కష్టాలను తీర్చడం కోసం ఈ ప్రోగ్రామ్ను ఫేస్బుక్ లాంచ్ చేసింది.
ఇండియాలోని 200 నగరాల్లో ఈ ప్రోగ్రామ్ను ఫేస్బుక్ ప్రారంభించింది. దీని కోసం ఫేస్బుక్ Indifi అనే ఫైనాన్సియల్ సంస్థతో టైఅప్ అయింది.
ఇండియాలోని ఎంఎస్ఎంఈ సెక్టార్లో క్రెడిట్ గ్యాప్ లేకుండా చేయడం కోసం, చిన్న వ్యాపారులకు బిజినెస్ లోన్స్ను సులభతరం చేయడం కోసమే.. ఈ ప్రోగ్రామ్ను ప్రారంభించామని ఫేస్బుక్ వెల్లడించింది.
ఫేస్బుక్.. 2020లో Future of Business అనే ఓ సర్వేను చేయించింది. చిన్న, మధ్యతరహా వ్యాపారులకు క్యాష్ ఫ్లో పెద్ద సమస్యగా ఉన్నట్టు తేలింది. ముఖ్యంగా స్టార్టప్ బిజినెస్లకు లాంగ్ టైమ్ క్రెడిట్ హిస్టరీ ఉండదు కాబట్టి.. అటువంటి వ్యాపారాలకు రుణాలు దొరకడం చాలా కష్టంగా మారింది. ఆ సర్వే ద్వారా చిన్న వ్యాపారుల కష్టాలను తెలుసుకున్న ఫేస్బుక్ ఈ నిర్ణయం తీసుకుంది.
ఫేస్బుక్లో చిన్న వ్యాపారులు.. తమ వ్యాపారానికి సంబంధించిన అడ్వర్టైజ్మెంట్స్ ఇచ్చినప్పటికీ.. వాళ్లకు 17 నుంచి 20 శాతం వరకు వార్షిక వడ్డీతో లోన్స్ ఇవ్వనున్నట్టు ఫేస్బుక్ వెల్లడించింది. ఈ వ్యాపారులకు ఎటువంటి షూరిటీ లేకుండానే ఆన్లైన్ ద్వారా అప్లయి చేసుకుంటే.. ఫేస్బుక్ వెంటనే లోన్ను అప్రూవ్ చేయనుంది. అలాగే.. ఎటువంటి ప్రాసెసింగ్ ఫీజు ఉండదు. అప్లయి చేసుకున్న 5 రోజుల్లో లోన్ అమౌంట్ను ఇండిఫీ ఫైనాన్సియల్ సంస్థ క్రెడిట్ చేస్తుంది. కనీసం 5 లక్షల నుంచి 50 లక్షల వరకు బిజినెస్ రేంజ్ను బట్టి ఫేస్బుక్ లోన్ను అందివ్వనుంది.
ఈ ప్రోగ్రామ్ను వర్చువల్ ఈవెంట్ ద్వారా ఎఫ్ఐసీసీఐ పార్టనర్షిప్తో ఫేస్బుక్ ఇండియా ప్రకటించింది. ఈ ప్రోగ్రామ్కు నీతి ఆయోగ్ సీఈవో అమితాబ్ కాంత్ కూడా హాజరయ్యారు.