ఆపిల్ ఆఫ‌ర్‌.. ఇండియాలో ఇంటెర్న్‌ల కోసం చూస్తున్న టెక్ జెయింట్‌

బెంగ‌ళూరు: ప్ర‌ముఖ టెక్నాల‌జీ కంపెనీ ఆపిల్ ఇండియాలో సాఫ్ట్‌వేర్ డెవ‌ల‌ప్‌మెంట్ ఇంటెర్న్‌ల‌ను హైర్ చేసుకోవాల‌ని భావిస్తోంది. బెంగ‌ళూరులో ఉన్న త‌న సంస్థ కోసం ఆపిల్ ఈ రిక్రూట్‌మెంట్ చేసుకోనుంది. ఆపిల్‌లో ఉన్న వివిధ అంత‌ర్గ‌త సంస్థ‌ల కోసం ఫుల్‌టైమ్ సాఫ్ట్‌వేర్ ఇంజినీరింగ్ ఇంటెర్న్‌ల‌ను హైర్ చేసుకోనున్న‌ట్ల ఆ సంస్థ తెలిపింది. వ‌చ్చే ఏడాది జ‌న‌వరి నుంచి జులై మ‌ధ్య ఈ ఇంటెర్న్‌షిప్ ఉంటుంది.

బెంగ‌ళూరులోని ఆపిల్‌కు చెందిన App Accelerator.. స్థానిక డెవ‌ల‌ప‌ర్ల‌కు ప్రత్యేక‌మైన సపోర్ట్, శిక్ష‌ణ అందిస్తుంది. స్థానికంగా, అంతర్జాతీయంగా యాప్స్ స‌క్సెస్ సాధించ‌డానికి అవ‌స‌ర‌మైన విష‌యాలు ఈ App Acceleratorలో చెబుతారు. ప్ర‌పంచంలోని ఆపిల్ సంస్థ ఐఫోన్లు త‌యారుచేసే అతికొద్ది దేశాల్లో ఇండియా కూడా ఒక‌టి. ఇక్క‌డ ప్ర‌స్తుతం ఐఫోన్ 12తోపాటు ఐఫోన్ ఎస్ఈ, ఐఫోన్ 11, ఐఫోన్ XR మోడ‌ల్స్ త‌యారవుతున్నాయి.