కట్టుదిట్టంగా..

నూతన సంవత్సర వేడుకలకు జిల్లాలో కట్టదిట్టమైన బందోబస్తు ఏర్పాటు చేసినట్లు జిల్లా ఎస్పీ కోటిరెడ్డి శుక్రవారం ఒక ప్రకటనలో పేర్కొన్నారు

• న్యూ ఇయర్‌ వేడుకలకు భద్రతా చర్యలు
• నిబంధనలు పాటించకుంటే కఠిన చర్యలు
• వికారాబాద్‌ జిల్లా ఎస్పీ కోటిరెడ్డి

వికారాబాద్‌, డిసెంబర్‌ 30, (నమస్తే తెలంగాణ) : నూతన సంవత్సర వేడుకలకు జిల్లాలో కట్టదిట్టమైన బందోబస్తు ఏర్పాటు చేసినట్లు జిల్లా ఎస్పీ కోటిరెడ్డి శుక్రవారం ఒక ప్రకటనలో పేర్కొన్నారు. ప్రతి ఒక్కరూ ప్రభుత్వ నియమ నిబంధనలు పాటించి ప్రశాంతవాతావరణంలో సంబురాలు జరుపుకోవాలని కోరారు. రిసార్టులు, ఫాంహౌజ్‌లపై ప్రత్యేక నిఘా ఉంచినట్లు తెలిపారు.

నిబంధనలు అతిక్రమించినవారిపై చట్టపరమైన చర్యలు తీసుకుంటామని పేర్కొన్నారు. 31వ తేదీ రాత్రి జిల్లావ్యాప్తంగా ప్రతి పోలీస్‌ స్టేషన్‌ పరిధిలో నాకాబందీ, వాహనాల తనిఖీలు, డ్రంక్‌ అండ్‌ డ్రైవ్‌ నిర్వహిస్తామని తెలిపారు. పోలీస్‌ అధికారుల సలహాలు, సూచనలు పాటించి సహకరించాలని కోరారు.

నిబంధనలివే..

• డీజేలు, సౌండ్‌ బాక్స్‌లకు అనుమతి లేదు
• అశ్లీల కార్యక్రమాలు నిర్వహించకూడదు
• మద్యం తాగి, రాష్‌, ట్రిపుల్‌ డ్రైవింగ్‌ చేయకూడదు
• 31 డిసెంబర్‌ అర్ధరాత్రి ర్యాలీలు, బైక్‌ ర్యాలీలు నిషిద్ధం
• నూతన సంవత్సర వేడుకల్లో భాగంగా పెద్దఎత్తున కార్యక్రమాలు నిర్వహిస్తే పోలీసు, ఇతర శాఖల నుంచి అనుమతులు తీసుకోవాలి
• బహిరంగ ప్రదేశాల్లో వేడుకలు నిర్వహించి ప్రజలకు ఇబ్బందులు కలిగించకూడదు.
• మాస్కులు ధరించడంతోపాటు భౌతిక దూరం పాటించాలి
• ఏదైనా శాంతిభద్రతల సమస్య ఉంటే డయల్‌ 100 సమాచారం అందించాలి.