వినియోగదారులకు నాణ్యమైన విద్యుత్‌ను అందించేందుకు కృషి : చక్రపాణి
విద్యుత్‌ వినియోగదారులకు నాణ్యమైన విద్యుత్‌ను అందించేందుకు ప్రత్యేక చర్యలు తీసుకుంటున్నామని టీజీ ఎస్పీడీసీఎల్‌ డైరక్టర్‌ చక్రపాణి పేర్కొన్నారు.
చర్లపల్లి, నవంబర్‌ 30 : విద్యుత్‌ వినియోగదారులకు నాణ్యమైన విద్యుత్‌ను అందించేందుకు ప్రత్యేక చర్యలు తీసుకుంటున్నామని టీజీ ఎస్పీడీసీఎల్‌ డైరక్టర్‌ చక్రపాణి పేర్కొన్నారు. చర్లపల్లి విద్యుత్‌ సబ్‌స్టేషన్‌ పరిధిలోని సాయినగర్‌, తదితర కాలనీలలో విద్యుత్‌ చీఫ్‌ ఇంజినీర్‌ కామేశ్‌, హబ్సిగూడ విద్యుత్‌ సర్కిల్‌ సూపరింటిండెంట్‌ ఆఫ్‌ ఇంజినీర్‌ వెంకన్నలతో కలిసి ఆయన బస్తీబాటా నిర్వహించి విద్యుత్‌ సమస్యలను స్థానికులను అడిగి తెలుసుకున్నారు.
ఈ సందర్భంగా ఆయన మాట్లాడతూ కాలనీలలో నెలకొన్న విద్యుత్‌ సమస్యలను అధిగమించేందుకు చర్యలు తీసుకుంటున్నామని, దీనిలో భాగంగా బస్తీబాటా నిర్వహించి స్థానిక సమస్యలను పరిష్కరిస్తున్నామని ఆయన తెలిపారు. విద్యుత్‌ సమస్యలను పరిష్కరించేందుకు విద్యుత్‌ సిబ్బంది అందుబాటులో ఉంటారని, సమస్యలు ఉంటే తమ దృష్టికి తీసుకువస్తే వెంటనే పరిష్కరించేందుకు చర్యలు తీసుకుంటామని ఆయన తెలిపారు. ఈ కార్యక్రమంలో సైనిక్‌పురి డివిజన్‌ డీఈ అన్వర్‌పాషా, చర్లపల్లి ఏడీఈ రాందాస్‌, ఏఈ బాల్‌రాజులతో పాటు విద్యుత్‌ సిబ్బంది, స్థానికులు తదితరులు పాల్గొన్నారు.
Read Today's Latest Rangareddy Rangareddy News in Telugu and Telugu News
- Follow Us :
-
