అదనపు కట్నం వేధింపులో కానిస్టేబుల్పై కేసు
అదనపు కట్నం ఇవ్వాలని, తరచుగా భార్యపై అనుమానం పడుతూ మానసికంగా వేధిస్తున్న భర్త కానిస్టేబుల్పై కేసు నమోదు అయ్యింది. ఈ ఘటన మొయినాబాద్ పోలీస్స్టేషన్ పరిధిలో సోమవారం జరిగింది. సీఐ డీకే లక్ష్మీరెడ్డి తెలిపిన వివరాల ప్రకారం కడప జిల్లా కాశినాయన మండల పరిధిలోని కోండ్రాస్పల్లి గ్రామానికి చెందిన సిద్దయ్య, నారాయణమ్మ దంపతుల రెండో కూతురు సునీతను హైదరాబాద్లోని అమీర్పేట ప్రాంతంలో నివాసం ఉంటున్న
మొయినాబాద్, డిసెంబర్ 26 : అదనపు కట్నం ఇవ్వాలని, తరచుగా భార్యపై అనుమానం పడుతూ మానసికంగా వేధిస్తున్న భర్త కానిస్టేబుల్పై కేసు నమోదు అయ్యింది. ఈ ఘటన మొయినాబాద్ పోలీస్స్టేషన్ పరిధిలో సోమవారం జరిగింది. సీఐ డీకే లక్ష్మీరెడ్డి తెలిపిన వివరాల ప్రకారం కడప జిల్లా కాశినాయన మండల పరిధిలోని కోండ్రాస్పల్లి గ్రామానికి చెందిన సిద్దయ్య, నారాయణమ్మ దంపతుల రెండో కూతురు సునీతను హైదరాబాద్లోని అమీర్పేట ప్రాంతంలో నివాసం ఉంటున్న ఎల్లోజి, కృష్ణవేణి దంపతుల కుమారుడు సిద్దులుకు ఇచ్చి 10 నెలల క్రితం వివాహం చేశారు.
సిద్ధయ్యకు ఒక కొడుకు, ఇద్దరు బిడ్డలు ఉన్నారు. తల్లిదండ్రులు చనిపోవడంతో అక్క సుబ్బమ్మ, బావ శివప్రసాద్ వద్ద సునీత మూడేండ్ల నుంచి మొయినాబాద్లో నివాసం ఉంటున్నది. తండ్రికి ఉన్న భూమిని ముగ్గురు పంచుకున్నారు. కాగా, సునీత పెండ్లి చేసే బాధ్యత బావ, అక్క తీసుకొని సునీత వాటాకు వచ్చిన భూమిని ఆమె అక్క సుబ్బమ్మ కొనుగోలు చేసి రూ.10 లక్షలు ఖర్చు పెట్టి (బంగారం, సామగ్రి, కట్నం కలిపి) వివాహం చేసింది. అయితే సిద్దులు నార్సింగి పోలీస్స్టేషన్లో కానిస్టేబుల్గా విధులు నిర్వహిస్తున్నారు.
వివాహం చేసుకున్న రెండు నెలల తరువాత సునీతను నీ వాటకు వచ్చిన భూమి, అదనపు కట్నం తేవాలని భర్త సిద్దులు, మామ ఎల్లోజి, అత్త కృష్ణవేణి, మరది శివ వేధిస్తున్నారు. అదే విధంగా అనుమానాలు పెట్టుకుని మరింత వేధింపులకు గురి చేస్తున్నారు. వారి వేధింపులు తాళలేక సునీత మొయినాబాద్లో నివాసం ఉంటున్న తన అక్క, బావల వద్దకు 4 నెలల క్రితం వచ్చింది. అదనపు కట్నం కోసం వేధిస్తున్నాడని తమకు న్యాయం చేయాలని సునీత పోలీసులను ఆశ్రయించింది. సునీత ఫిర్యాదు మేరకు కేసు నమోదు చేసుకుని దర్యాప్తు చేస్తున్నామని సీఐ తెలిపారు.
Read Today's Latest Rangareddy News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

