మంచి కథను ప్రేక్షకులు ఎప్పుడు ఆదరిస్తారని మరో సారి అర్ధమైంది. గ్రామస్థులు ఖరీదైన కెమెరాతో సినిమా చేస్తే ఎలా ఉంటుంది అనేది ఎమోషనల్గా తెరకెక్కించారు. అమాయకత్వంతో పాటు హాస్యంతో ప్రేక్షకులని ఎంతగానో మెప్పించారు మేకర్స్ . ఈ చిత్రం నెట్ఫ్లిక్స్లో విడుదల కాగా, మూవీకి మంచి స్పందన లభిస్తుంది. విడుదలైన మొదటి వారాంతంలో సినిమా బండి నెట్ ఫ్లిక్స్ లో ప్రేక్షకులను గొప్పగా ఆకర్షిస్తోంది. ఈ చిత్రం ట్రెండ్స్ జాబితాలో మొదటి స్థానంలో నిలవడం విశేషం.
ఇప్పుడిప్పుడే వస్తున్న క్రియేటర్స్కి ఓటీటీ మంచి వరంగా మారింది. ఈ క్రమంలో లఘు చిత్రాల దర్శకుడు ప్రవీణ్ కండ్రేగుల సినిమా బండి అనే సినిమాని తెరకెక్కించి నెట్ ఫ్లిక్స్ లో విడుదల చేశారు. ఫ్యామిలీమ్యాన్ సిరీస్ సృష్టి కర్తలు ఈ చిత్రాన్ని నిర్మించడంతో మూవీకి చాలా ఇమేజ్ దక్కింది. ఇక కంటెంట్ కూడా అద్భుతంగా ఉండడంతో మూవీ దూసుకుపోతుంది. సినిమాలో నటీనటులు కొత్త వారైన కూడా ఎంతో మెప్పించారు.