SIFF | మహిళలకు ప్రోత్సాహకాలు.. అండర్‌వేర్లతో కాంగ్రెస్‌పై నిరసన

మహిళలకు ఉచితాలు, ఆర్థిక ప్రోత్సాహకాలు అంటూ లోక్‌సభ ఎన్నికల వేళ వాళ్లను ఆకర్షించేందుకు కాంగ్రెస్‌, ఆ పార్టీ నేత రాహుల్‌ గాంధీ ప్రయత్నాలు చేయడాన్ని సేవ్‌ ఇండియన్‌ ఫ్యామిలీ ఫౌండేషన్‌ (ఎస్‌ఐఎఫ్‌ఎఫ్‌) తీవ్రంగా వ్యతిరేకించింది. దీనిపై ఆ సంఘం సభ్యులు మంగళవారం పలు చోట్ల తమ అండర్‌వేర్‌లను తగులబెట్టి నిరసనలు వ్యక్తం చేశారు.

SIFF | పుణే, ఏప్రిల్‌ 24: మహిళలకు ఉచితాలు, ఆర్థిక ప్రోత్సాహకాలు అంటూ లోక్‌సభ ఎన్నికల వేళ వాళ్లను ఆకర్షించేందుకు కాంగ్రెస్‌, ఆ పార్టీ నేత రాహుల్‌ గాంధీ ప్రయత్నాలు చేయడాన్ని సేవ్‌ ఇండియన్‌ ఫ్యామిలీ ఫౌండేషన్‌ (ఎస్‌ఐఎఫ్‌ఎఫ్‌) తీవ్రంగా వ్యతిరేకించింది. దీనిపై ఆ సంఘం సభ్యులు మంగళవారం పలు చోట్ల తమ అండర్‌వేర్‌లను తగులబెట్టి నిరసనలు వ్యక్తం చేశారు.

సగం కాలిన డ్రాయర్లను కాంగ్రెస్‌ పార్టీకి పంపిస్తామని కూడా చెప్పారు. ఒక్క మహిళలకు మాత్రమే పథకాలు ప్రకటిస్తూ.. పురుషులపై వివక్ష పాటిస్తున్నారని ఎస్‌ఐఎఫ్‌ఎఫ్‌ అధ్యక్షుడు రాజేశ్‌ వఖారియా అన్నారు. ఇది విభజన, సామాజిక అశాంతికి దారితీస్తుందని పేర్కొన్నారు. మహిళలను ‘ఓటు బ్యాంకు’గా, పురుషులను ‘ట్యాక్స్‌ బ్యాంకు’గా చూడటం రాజకీయ పార్టీలు మానుకోవాలని డిమాండ్‌ చేశారు. దేశంలో చట్టాలు పురుషులకు వ్యతిరేకంగా, మహిళా పక్షపాతంగా ఉన్నాయని ఎస్‌ఐఎఫ్‌ఎఫ్‌ వాదిస్తున్నది. పురుషులపై వివక్షకు వ్యతిరేకంగా పోరాటం చేస్తున్నది.