Srisailam Temple | శ్రీశైలంలో ఘనంగా నవరాత్రి ఉత్సవాలు.. గజవాహనంపై విహరించిన ఆదిదంపతులు..! Photos

Srisailam Temple | శ్రీశైలం : శరన్నవరాత్రి వేడుకలు శ్రీశైల క్షేత్రంలో ఘనంగా జరుగుతున్నాయి. ఉత్సవాల్లో ఏడోరోజైన ఆదివారం భ్రమరాంబ దేవి కాళరాత్రి అలంకారంలో భక్తులకు దర్శనం ఇచ్చారు.

నల్లటి రూపంలో జుట్టు విరబూసుకుని భయంకరంగా దర్శనమిచ్చిన ఆ తల్లి ఎల్లప్పుడూ శుభాలను ప్రసాదించే సకలశుభంకరి అని భక్తుల విశ్వాసం.

ఆదిపరాశక్తుల్లో ఏడవ రూపమైన కాళరాత్రి అమ్మవారు గాడిదను వాహనంగా చేసుకొని నాలుగు చేతుల్లో వర, అభయ, ముద్రలతో ఖడ్గం, లోహకంటక ఆయుధాలుగా ధరించి రౌద్ర రూపంలో సకల శుభప్రదాయినిగా భక్తులకు దర్శనమిచ్చింది.

ఈ దేవిని స్మరించిన మాత్రానే భూతప్రేత, పిశాచాదులు భయపడి పారిపోయి సంపూర్ణ ఆరోగ్యవంతులవుతారని పండితులు చెప్పారు.

సాయంత్రం అక్కమహాదేవి అలంకార మండపంలో గజవాహనంపైకి భ్రమరాంబ సమేత మల్లికార్జున స్వామివారలను వేంచేపు చేసి.. శాస్ర్తోక్తంగా విశేష పూజలు చేశారు.

అనంతరం కాళరాత్రిపూజ మంత్రపుష్పంతో పాటు అమ్మవారికి ఆస్థానసేవ నిర్వహించారు.

గ్రామోత్సవంలో భాగంగా గరళకంఠుడు కాళరాత్రి దేవి సమేతుడై ఆలయ ప్రాకారం నుంచి మంగళవాయిద్యాలు కళాకారుల విన్యాసాలు, డప్పుచప్పుళ్లు, కోలాటాలు, భజనల నడుమ వైభవంగా క్షేత్ర పురవీధుల్లో గ్రామోత్సవం కనుల పండువగా సాగింది.

ఇదిలా ఉండగా.. ఉదయం భ్రమరాంబ అమ్మవారికి ప్రత్యేక పూజలు నిర్వహించారు. ప్రాతఃకాల పూజలు, విశేష కుంకుమార్చనలు, నవారణార్చనలు, జపానుష్టాలు, పారాయణాలు, చండీహోమం, పంచాక్షరి, భ్రామరి, బాలా జపానుష్టాలు, చండీపారాయణం, కుమారీ పూజలు చేశారు.

కార్యక్రమంలో ఈవో శ్రీనివాసరావుతో పాటు పలువురు అధికారులు పాల్గొన్నారు. ఉత్సవంలో పెద్ద సంఖ్యలో భక్తులు పాల్గొని.. స్వామి, అమ్మవార్లను దర్శించుకున్నారు.

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu

Srisailam Dasara Utsavalu