ఉగాది పచ్చడి.. సంబురాల మత్తడి!
పొద్దుగాల పొద్దుగాలనే బజాట్ల కలిసిన యాదగిరి ఒకమాట అన్నడు..ఎన్ని చెప్పినా ఉగాది పచ్చడి ఉగాది పచ్చడే దానికి జవాబ్ లేదు!
పొద్దుగాల పొద్దుగాలనే
బజాట్ల కలిసిన యాదగిరి ఒకమాట అన్నడు..
ఎన్ని చెప్పినా ఉగాది పచ్చడి ఉగాది పచ్చడే
దానికి జవాబ్ లేదు!
అంగట్ల కల్యమాకు కొంటాంటే
సంచిల మామిడాకులు దోపుకుంటా
శివయ్య అన్నడు…
ఉగాది పచ్చడి లెక్క ఏది ఉండదు
బస్టాండ దగ్గర పేపర్ చదువుతాంటే
సమ్మక్క ఎదురుపడి చెప్పింది..
ఎన్నిచూసినా ఉగాది పచ్చడి
ముకాబిల ఏదీరాదు
చౌరస్తాల గుడిసె హోటల్ల చాయ్ తాగుతాంటే
ఇడ్లీ తిందామనచ్చిన కొమురెల్లి కండ్ల బడి అన్నడు…
ఎన్ని ఇకమతులు వడ్డా
ఉగాది పచ్చడి జరూరుగా తినాలె
ఇదంతా నాకు తెలవదా ఏందీ?
కనీ ఈ పండుగ పూట గా మాట చెప్తే
వాళ్ల పానానికి అదొక తృప్తి
గీ వీళ్లంతా మొన్న సంక్రాంతికి
సకినాల గురించి చెప్పిండ్రు.. ఆవలి మొన్న దీవిలికి
అరిసెల గురించి చెప్పిండ్రు.. అంతకుముందు
బతుకమ్మప్పుడు మక్కజొన్న సత్తుపిండిని
గీ కామనంగనే చెప్పిండ్రు..
గాయాల్ల బోనాలప్పుడు కూడా
శనగ గుడాలు మజాగా ఉంటయని చెప్పిండ్రు…
అందుకనే ఏ పండుగప్పుడు
ఆ పండుగ ముచ్చట్లు చెప్తే
నేను నిమ్మలంగా ఇంట
ఎదురు చెప్పకుండ గట్లనే
తియ్యి అని అంట…
మనకు పండుగకొక్క తరీఖా ఉన్నట్టు
తీరొక్క వంట సుతా ఉన్నది కదా…
కొత్త సాల్ నాడు
జిందగీని కొత్తగ షురూ చెయ్యాలి కదా
మరి జిందగీ అంటే
అన్ని కలిసి ఉంటాయి కదా
యాదగిరీ… శివయ్యా…
సమ్మక్కా… కొమురెల్లీ…
ప్రతి యేడు లెక్కనే ఇప్పుడు సుతం
జామకాయ , మామిడికాయ, చింతపండు,
యాప పువ్వు, బెల్లం కలిపి
కొత్త పటువల పచ్చడి చేద్దాం…
అందరం పంచుకుంట ఈ ఉగాదిని షురూ చేద్దాం…
కాలమా… బహురూపివి నువ్వు
బహు పేర్లు నీకు
ఈసారి నీ పేరు శోభకృతు
నీ రూపం ఎంతో గమ్మతు…
ఏం చెప్పకున్నా, మా జిందగీ
ఓ ఉగాది పచ్చడి!
రేపటి సంబురం
అలుగు దుంకిన మత్తడి!!
-డాక్టర్ మామిడి
హరికృష్ణ
Read Today's Latest Opinions News in Telugu and Telugu News
RELATED ARTICLES
తాజా వార్తలు
ఇందిరమ్మ కుటుంబ జీవిత బీమా పథకం పేద కుటుంబాలకు అండ
సారపాకలో ఇసుక అక్రమ రవాణా అడ్డుకట్టకు చర్యలు
KTR | ఢిల్లీకి సంచులు మోయడంలో, చక్కర్లు కొట్టడంలో రేవంత్కు పదికి పది మార్కులు : కేటీఆర్
ప్రియుడు పెళ్లికి నిరాకరించడంతో పురుగుల మందు తాగి యువతి ఆత్మహత్య
Drinking Water | చలికాలంలో రోజూ తగినంత నీళ్లను తాగాల్సిందే.. నీరు తగ్గితే ఈ సమస్యలు వస్తాయి..
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

