Diwali 2024 | తెలుగు అసోసియేషన్ ఆఫ్ స్విట్జర్లాండ్ ఆధ్వర్యంలో వైభవంగా దీపావళి

Diwali 2024 | తెలుగు అసోసియేషన్ ఆఫ్ స్విట్జర్లాండ్ ఆధ్వర్యంలో దీపావళి పండుగను అత్యంత వైభవంగా నిర్వహించారు. ఈ పండుగలో తెలుగువారి సంప్రదాయాలు, సాంస్కృతిక పరంపరలు అత్యంత ఘనంగా ప్రదర్శించారు.

Diwali 2024 | తెలుగు అసోసియేషన్ ఆఫ్ స్విట్జర్లాండ్ ఆధ్వర్యంలో దీపావళి పండుగను అత్యంత వైభవంగా నిర్వహించారు. ఈ పండుగలో తెలుగువారి సంప్రదాయాలు, సాంస్కృతిక పరంపరలు అత్యంత ఘనంగా ప్రదర్శించారు. సంస్కృతి, సంప్రదాయాలను కాపాడుకుంటూ.. తదుపరి తరాలకు అందిస్తూ.. పెద్దల నుంచి పిల్లల వరకు అందరూ ఈ దీపావళి వేడుకల్లో పాల్గొని తమ ఆనందపు వెలుగులను పంచుకున్నారు.

ఈ వేడుకలో భాగంగా సంప్రదాయ పాటలు, సాంస్కృతిక ప్రదర్శనలు, పూలమాలల అలంకరణలు, దీపాల అలంకరణలు వంటి సంప్రదాయ కార్యకలాపాలు నిర్వహించారు. పిల్లలు పటాకులు కాలుస్తూ, పెద్దలు మిఠాయిలను పంచిపెడుతూ, ఈ పండుగను సమైక్యతగా జరిపారు. ఈ సందర్భంగా ప్రదర్శించిన “కమిటీ కుర్రోళ్ళు” నాటకం మరొక్కసారి తెలుగు వారందరూ కడుపుబ్బా నవ్వుకునేలా చేసింది. కార్యక్రమం ఆద్యంతం హృద్యంగా సాగింది. చివరగా షడ్రుచులతో కూడిన దీపావళి విందుతో వేడుకలు ముగించారు.