NRI | లండన్‌లో ఘనంగా చేనేత బతుకమ్మ సంబురాలు

NRI | గతంలో కేసీఆర్‌ నాయకత్వంలో చేనేతకు చేయూతనిస్తూ ఎన్నో కార్యక్రమాలు నిర్వహించాం. అదే స్ఫూర్తితో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ కృషికి మా వంతు బాధ్యతగా చేనేతకు చేయూతనిస్తూ ప్రతి సంవత్సరం లాగా నేడు కూడా  చేనేత బతుకమ్మ - దసరా సంబురాలు వేడుకలను జరుపుకుంటున్నామని టాక్ అధ్యక్షుడు రత్నాకర్ కడుదుల తెలిపారు.

లండన్: గతంలో కేసీఆర్‌ నాయకత్వంలో చేనేతకు చేయూతనిస్తూ ఎన్నో కార్యక్రమాలు నిర్వహించాం. అదే స్ఫూర్తితో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ కృషికి మా వంతు బాధ్యతగా చేనేతకు చేయూతనిస్తూ ప్రతి సంవత్సరం లాగా నేడు కూడా  చేనేత బతుకమ్మ – దసరా సంబురాలు వేడుకలను జరుపుకుంటున్నామని టాక్ అధ్యక్షుడు రత్నాకర్ కడుదుల తెలిపారు.  తెలంగాణ అసోసియేషన్ అఫ్ యునైటెడ్ కింగ్ డమ్(Tauk) ఆధ్వర్యంలో లండన్‌లో(London )చేనేత బతుకమ్మ – దసరా సంబురాలు(Bathukamma Samburalu) ఘనంగా జరిగాయి. ఈ సంబురాలకు యూకే నలుమూలల నుంచి రెండు వేలకు పైగా ప్రవాస భారతీయ కుటుంబ సభ్యులు హాజరయ్యారు.

ఈ సందర్భంగా కార్యక్రమానికి హాజరైన వక్తలు మాట్లాడుతూ.. యూకే లో నివసిస్తున్న తెలంగాణ ఎన్నారైలంతా సమాజ సేవలో ఎంతో క్రియాశీలకంగా పాల్గొంటారని, వీరి స్ఫూర్తి చాలా గొప్పదని తెలిపారు. విదేశాల్లో ఉన్నపటికీ తెలంగాణ సంస్కృతి సంప్రదాయాలని ప్రపంచానికి చాటి చెప్తున్న తీరు చాలా గొప్పగా ఉందని టాక్ సంస్థను చూసి గర్వపడుతున్నామని పేర్కొన్నారు. టాక్ సంస్థ చేస్తున్న కార్యక్రమాలు ఎందరికో స్ఫూర్తినిస్తున్నాయని ప్రశంసించారు. స్థానికంగా ఎటువంటి సహాయం కావాలన్న మమ్మల్ని సంప్రదిం చవచ్చని, లండన్ నగరం భిన్న సంస్కృతుల ప్రజలు నివసించే నగరమని, మనమంతా ఐకమత్యంగా ఉండి పరస్పర సంప్రదాయాలని సంస్కృతిని గౌరవించుకుంటూ ముందుకు వెళ్లాలని తెలిపారు.