హామీలపై కాంగ్రెస్‌ను నిలదీయాలి

ఆరు గ్యారెంటీల అమలుపై కాంగ్రెస్‌ పార్టీ నాయకులను నిలదీయాలని బీఆర్‌ఎస్‌ పార్టీ జి ల్లా అధ్యక్షుడు, ఆర్మూర్‌ మాజీ ఎమ్మెల్యే ఆశన్న గారి జీవన్‌ రెడ్డి ఓటర్లకు పిలుపునిచ్చారు. ఆదివారం ఆయన పట్టణంలోని పలు వార్డుల్లో ఎన్నికల ప్రచారం నిర్వహించారు.

• ఆర్మూర్‌ మాజీ ఎమ్మెల్యే జీవన్‌రెడ్డి

ఆర్మూర్‌టౌన్‌, ఫిబ్రవరి 8: ఆరు గ్యారెంటీల అమలుపై కాంగ్రెస్‌ పార్టీ నాయకులను నిలదీయాలని బీఆర్‌ఎస్‌ పార్టీ జి ల్లా అధ్యక్షుడు, ఆర్మూర్‌ మాజీ ఎమ్మెల్యే ఆశన్న గారి జీవన్‌ రెడ్డి ఓటర్లకు పిలుపునిచ్చారు. ఆదివారం ఆయన పట్టణంలోని పలు వార్డుల్లో ఎన్నికల ప్రచారం నిర్వహించారు. ఈ సందర్భంగా మాట్లాడుతూ.. కాంగ్రెస్‌ బాకీ పడ్డ ఆరు గ్యారెంటీలను ప్రజలు గమనించాలని సూచించారు. ఇచ్చిన హామీలను అమలు చేయడంలో కాంగ్రెస్‌ ప్రభుత్వం పూర్తిగా విఫలమైందన్నారు.

బీఆర్‌ఎస్‌ ప్రభుత్వ హయాంలోనే ఆర్మూర్‌ పట్టణం అభివృద్ధి చెందినట్లు తెలిపారు. సీసీ రోడ్లు, డ్రైనేజీలు, తాగు నీటి సౌకర్యం కల్పించినట్లు చెప్పారు. బీఆర్‌ఎస్‌ ప్రభుత్వం చేసిన అభివృద్ధి అన్ని వార్డుల్లో కనిపిస్తుందన్నారు. ఇచ్చి న హామీలను అమలుచేయని కాంగ్రెస్‌ నాయకులకు మున్సిపల్‌ ఎన్నికల్లో ఓట్లు అడిగే అర్హత లేదన్నారు. అభివృద్ధి చేయని కాంగ్రెస్‌ సర్కార్‌కు బుద్ధి చెప్పాలని పిలుపునిచ్చా రు. మున్సిపల్‌ ఎన్నికల్లో కారు గుర్తుకు ఓటు వేసి బీఆర్‌ఎస్‌ పార్టీ అభ్యర్థులను భారీ మెజార్టీతో గెలిపించాలని కోరారు.