గురువును మించిన దైవం లేదు

హైందవ సంప్రదాయంలో గురువుకు విశిష్ట స్థానం ఉన్నదని, గురువును మించిన దైవం లేదని గురుపరంపరను కొనసాగించాలని ప్రముఖ కవి, ఉస్మానియా యూనివర్సిటీ విశ్రాంతి ఆచార్యులు డాక్టర్‌ మేడవరం అనంతకుమారశర్మ అన్నారు.

సుభాష్‌నగర్‌, జూలై 21: హైందవ సంప్రదాయంలో గురువుకు విశిష్ట స్థానం ఉన్నదని, గురువును మించిన దైవం లేదని గురుపరంపరను కొనసాగించాలని ప్రముఖ కవి, ఉస్మానియా యూనివర్సిటీ విశ్రాంతి ఆచార్యులు డాక్టర్‌ మేడవరం అనంతకుమారశర్మ అన్నారు. జిల్లాకేంద్రంలోని హౌసింగ్‌బోర్డులో శ్రీవిద్యా గణపతి సాహిత్య కళాపీఠం ఆధ్వర్యంలో గురుపూర్ణిమ మహోత్సవాన్ని ఆదివారం నిర్వహించారు. ఈ సందర్భంగా కళాపీఠం వ్యవస్థాపక అధ్యక్షుడు డాక్టర్‌ గణపతి అశోకశర్మ వారి గురువైన డాక్టర్‌ మేడవరం అనంతకుమారశర్మను ఘనంగా సత్కరించారు.

వేడుకలో భాగంగా మేడవరం రామస్వామి శాస్త్రి, శాప గంగాధర్‌, చిప్పల లక్ష్మీకాంత్‌శర్మ, వీపీ చందన్‌రావు, జిమ్మగారి ఉపేంద్రశర్మ, ఒరుగంటి విఠలాచార్య, కప్పకంటి సత్యానంద శర్మ, డాక్టర్‌ గోపీకృష్ణ, చాడశ్రీ కరుణ కృష్ణరావు, చిత్కల లక్ష్మీకాంత్‌ శర్మ, చిత్కల శ్రీనివాస్‌ శర్మ, డా. బి. స్వప్నను జీవన సాఫల్య పురస్కారాలతో సన్మానించారు. కాసర్ల నరేశ్‌రావు, శ్రీకాంత్‌, రాఘవాచార్య, తల్లవఝుల మహేశ్‌బాబు, అయాచితం నాగరాజుశర్మ, సముద్రాల రాములు, సాయిప్రసాద్‌కు కవిపండిత కళా సత్కారాలు అందజేశారు. ఈ సందర్భంగా గురుపౌర్ణిమ ప్రాముఖ్యతపై వక్తలు ప్రసంగించారు.అనంతరం కాళేశ్వర శతకాన్ని ముఖ్య అతిథులు ఆవిష్కరించారు.